Ледзяная глыба, якая сарвалася з даху, забіла 39-гадовую жыхарку Віцебска
Момант падзення крыгі, зафіксаваны аддаленай камерай відэаназірання
18 снежня, Позірк. 39-гадовая жыхарка Віцебска загінула ў выніку падзення груды лёду з даху дома па праспекце Чарняхоўскага ў абласным цэнтры, паведаміў Следчы камітэт, распаўсюдзіўшы відэазапіс здарэння.
Паводле інфармацыі СК, на месцы працуе следча-аператыўная група. Канфіскаваныя запісы камер відэаназірання, на якіх зафіксаваны абставіны здарэння, прызначаная судова-медыцынская экспертыза.
Паведамляецца, што па факце здарэння Віцебскі гарадскі аддзел СК праводзіць праверку, падчас якой асаблівая ўвага будзе нададзеная “прычынам і ўмовам, якія спрыялі таму, што адбылося”.
Згодна з метэасводкамі, тэмпература паветра ў Віцебску перайшла ад адмоўных значэнняў да станоўчых рана раніцай 17 снежня. На працягу дня 18 снежня тэмпература паветра ў горадзе складала ад 3 да 4 градусаў вышэй за нуль.
17 снежня на дзевяці метэастанцыях Беларусі былі абноўленыя тэмпературныя рэкорды.
31 студзеня 2013 года падчас адлігі лядзяш сарваўся з даху 12-павярховага дома № 41 па вуліцы Герасіменкі ў Мінску і забіла 54-гадовага слесара жыллёва-эксплуатацыйнага ўпраўлення. Да вымушанай эміграцыі ў 1996 годзе ў гэтым доме жыў вядомы беларускі палітык Зянон Пазьняк, і там жа да сваёй смерці ў 2012 годзе жыла яго маці.
