Сейм Літвы не падтрымае магчымае вета Наўседы на папраўкі, што дазваляюць выдаваць беларусам ВНЖ на тры гады, лічыць Лябедзька
Анатоль Лябедзька (справа) і старшыня камітэта па замежных справах, кіраўнік групы “За дэмакратычную Беларусь” у літоўскім сейме Жыгімантас Павілёніс
27 снежня, Позірк. Сейм Літвы не падтрымае магчымае вета прэзідэнта краіны Гітанаса Наўседы на папраўкі да закона аб прававым статусе замежнікаў, якія сярод іншага дазваляюць выдаваць беларусам від на жыхарства на гуманітарных падставах на тры гады. Такое меркаванне выказаў “Позірку” дарадца Святланы Ціханоўскай па канстытуцыйнай рэформе і парламенцкім супрацоўніцтве Анатоль Лябедзька.
Паводле яго слоў, пасля ўхвалення адпаведнага законапраекта парламентам прэзідэнт мае 10 дзён на тое, каб падпісаць яго ці накласці вета.
Усе пытанні адносна прававога статуса беларусаў, адзначыў Лябедзька, разглядаюцца з улікам таго, што ў 2024 годзе ў Літве адбудуцца выбары прэзідэнта, дэпутатаў сейма і прадстаўнікоў краіны ў Еўрапарламенце.
“Прэзідэнтская кампанія, у якой будзе браць удзел Наўседа, стымулюе яго каманду атрымліваць перамогі, а не паразы. А зараз расклад у сейме такі, што мы атрымаем большасць [дэпутатаў, якія не падтрымаюць магчымае вета], я ў гэтым перакананы пасля шматлікіх кансультацый з прадстаўнікамі ўсіх фракцый”, — падкрэсліў ён.
Падрабязнасці даступныя падпісчыкам “Позірк+”
