У Дзень абаронцаў свабоды Літвы Ціханоўская падзякавала літоўцам за падтрымку беларусаў

13 студзеня, Позірк. Са словамі падзякі за падтрымку беларусаў дэмакратычны лідар Святлана Ціханоўская звярнулася да літоўскага народа 13 студзеня, у Дзень абаронцаў свабоды Літвы.
“Сёння важны і памятны дзень у гісторыі вашай краіны, — адзначыла яна. — Гэты дзень — яшчэ адно сведчанне мужнасці, адвагі і трываласці літоўскага народа. 13 студзеня 1991 года ўзброеныя сілы ўварваліся ў Вільнюс, але літоўцы выступілі супраць іх бяззбройнымі. Вы не саступілі ні пядзі, калі танкі спрабавалі выціснуць вас. Калі вы абаранялі свой парламент і тэлевежу, вы адстойвалі не толькі будынкі. Вы адстойвалі незалежнасць сваёй краіны, сваю будучыню і будучыню сваіх дзяцей”.
Падзеі таго дня забралі жыцці 14 чалавек, больш за 140 былі параненыя, аднак, падкрэсліла палітык, “рашучасць літоўскага народа ў канчатковым выніку паклала канец агрэсіі”.
“Я захапляюся вашай воляй да свабоды і незалежнасці. Дзякуй вам за падтрымку беларускага народа. Вы, як ніхто іншы, разумееце, як цяжка змагацца з агрэсарам, які спрабуе адабраць у твайго народа мову, культуру і незалежнасць. Вы разумееце нас і падтрымліваеце ў гэтай барацьбе. Паверце, беларусы гэта вельмі шануюць і заўсёды будуць памятаць”, — звярнулася да літоўцаў Ціханоўская.
Падзеі пачатку 1991 года вянчалі шматгадовы працэс аднаўлення незалежнасці Літвы, якому актыўна перашкаджалі савецкія ўлады.
- Грамадства
- Палітыка
- Палітыка
- Палітыка, Эканоміка
- Палітыка
- Грамадства, ПалітыкаМіжнародная платформа па зборы доказаў злачынстваў рэжыму Лукашэнкі мае сведчанні 2,7 тыс. ахвяраў рэпрэсій (падрабязна)Матэрыял даступны толькі падпісчыкам ПОЗІРК+
- ЭканомікаПратэрмінаваная запазычанасць арганізацый па выплаце падаткаў павялічылася за месяц на 0,4%Матэрыял даступны толькі падпісчыкам ПОЗІРК+
- Грамадства
- Грамадства, Палітыка
- Эканоміка
- Эканоміка
- ЭканомікаУ першым паўгоддзі чысты прыбытак арганізацый вырас толькі ў трох рэгіёнах (падрабязна)Матэрыял даступны толькі падпісчыкам ПОЗІРК+
- Грамадства
- Палітыка
- Палітыка
- Грамадства, Палітыка
- Грамадства
- Грамадства
- Грамадства
- Грамадства, Палітыка