Долар і еўра патаннелі на таргах БВФБ 23 студзеня

23 студзеня, Позірк. Амерыканская і агульная еўрапейская валюты патаннелі на таргах Беларускай валютна-фондавай біржы 23 студзеня.

Курс долара знізіўся да 3,1416 рубля (-0,0082, -0,26%), еўра — да 3,4205 (-0,0123, -0,36%).

Расійскі рубель падаражэў да 3,5767 за 100 (+0,0012, +0,03%), юань — да 4,3658 за 10 (+0,0085, +0,2%).

На мінулым працоўным тыдні (15–19 студзеня) курс долара вырас на 0,32% (з 3,1537 да 3,1637), юаня — на 0,002% (з 4,3793 да 4,3794 за 10); еўра патаннеў на 1,4% (з 3,4754 да 3,4266); расійскі рубель — на 0,21% (з 3,5755 да 3,5679 за 100).

Афіцыйны курс долара ў Беларусі за 2023 год павялічыўся на 16,12% (з 2,7364 да 3,1775 рубля). Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).