На 3 ліпеня ў Беларусі абвешчаны аранжавы ўзровень небяспекі праз спякоту

2 ліпеня, Позірк. Днём 3 ліпеня на большай частцы тэрыторыі Беларусі максімальная тэмпература паветра дасягне +30–34°С, месцамі па паўднёвым захадзе чакаецца +35°С, паведаміў “Белгідрамет“.

У Мінску ў гэты дзень прагназуецца +30–31°С.

Паводле звестак установы, згаданая “неспрыяльная гідраметэаралагічная з’ява” адпавядае аранжаваму ўзроўню небяспекі.

На падставе гэтага Міністэрства па надзвычайных сітуацыях выпусціла папярэджанне, у якім пералічаныя фактары небяспекі пры спякоце, а таксама дадзены шэраг рэкамендацый насельніцтву.

На 3 ліпеня ў Беларусі запланавана правядзенне мерапрыемстваў, прысвечаных Дню незалежнасці, значная частка з іх павінна прайсці на адкрытым паветры.