Затрымана былая журналістка Catholic.by Аксана Ючкавіч

24 студзеня, Позірк. Былая журналістка афіцыйнага партала рымска-каталіцкага касцёла ў Беларусі Catholic.by Аксана Ючкавіч затрымана 23 студзеня ў Мінску, паведаміла ініцыятыва “Хрысціянская візія”.

Ючкавіч вядома сярод католікаў Мінска, дзе арганізоўвала мноства мерапрыемстваў. За што яна затрыманая — не паведамляецца.

Раней Ючкавіч выкладала польскую мову ў мінскім “Цэнтры славянскіх моў”. У лістападзе 2020 года яе затрымлівалі, яна правяла 9 сутак у ЦІП на Акрэсціна.

Паводле даных Беларускай асацыяцыі журналістаў, зараз у няволі знаходзяцца 34 прадстаўнікі беларускіх медыя.