Долар і юань падаражэлі на першых біржавых таргах тыдня

12 лютага, Позірк. Амерыканская і кітайская валюты падаражэлі на таргах Беларускай валютна-фондавай біржы 12 лютага.

Курс долара вырас да 3,2204 рубля (+0,0048, +0,15%), юаня — 4,4357 за 10 (+0,0098, +0,22%).

Расійскі рубель патаннеў да 3,5371 рубля за 100 (-0,001, -0,03%).

Каціроўка еўра засталася такой жа, як па выніках таргоў 9 лютага, калі агульная еўрапейская валюта патаннела да 3,47 рубля (-0,0158, -0,46%).

На мінулым працоўным тыдні (5–9 лютага) курс долара вырас на 0,13% (з 3,2113 да 3,2156); юаня знізіўся на 0,83% (з 4,4631 да 4,4259 за 10), еўра — 0,28% (з 3,4796 да 3,47), расійскага рубля — на 0,2% (з 3,5451 да 3,5381 за 100).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рублі). Гэта шосты паказчык на тэрыторыі былога СССР.

За 2023 год яго каціроўка павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).