Лукашэнка: Гарантый бяспекі Прыгожыну не даваў, пры неабходнасці ў Беларусі будзе да 10 тыс. членаў ПВК “Вагнер” (дапоўнена)
Дададзены 3-і, 4-ы, 5-ы, 6-ы і 7-ы абзацы.
25 жніўня, Позірк. Аляксандр Лукашэнка адрокся ад гарантый бяспекі, якія раней даваў верхаводу расійскай прыватнай ваеннай кампаніі “Вагнер” Яўгену Прыгожыну. “У такім ключы размова і не ішла”, — заявіў ён на нарадзе ў Белдзяржуніверсітэце 25 жніўня.
“Першы раз, калі я яму тэлефанаваў і ішлі перамовы, калі яны маршам ішлі на Маскву. Я яму кажу: “Жэнь, ты разумееш, ты загубіш людзей і сам загінеш?” У запале гэты чалавек (толькі з фронту): “Чорт з ім, загіну!” Я яму кажу: “Жэнь, я зараз табе вышлю вяроўку і кавалак мыла”. — “Не, не, не. Я так не хачу. Я героем загіну”. Вось першая размова ішла. Другі раз, калі ён прыязджаў да мяне з [камандзірам ПВК] Дзімам Уткіным. Я катэгарычна іх абодвух папярэдзіў: “Хлопцы, глядзіце”, — цытуе Лукашэнку яго прэс-служба.
Лукашэнка адзначыў, што падчас перамоваў з Прыгожыным абмяркоўвалася два пытанні: спыненне крымінальных спраў у дачыненні да вагнераўцаў і іх вывад у Беларусь: “Гэта я прапанаваў. Кажу: “Калі вы чагосьці баіцеся, я буду размаўляць з прэзідэнтам Пуціным, мы вас выведзем у Беларусь. Мы вам гарантуем у Беларусі поўную бяспеку”. І трэба аддаць належнае, Жэня Прыгожын ніколі не прасіў мяне асобна надаць увагу пытанням бяспекі”.
Паводле сцвярджэння Лукашэнкі, калі ён быў у ААЭ сёлета ў канцы студзеня, яму паступіла “вельмі сур’ёзная інфармацыя ад крыніц, глыбей за якія не бывае, аб замаху на Яўгена Прыгожына”: “На працягу дзвюх гадзін — я даручыў — знайшлі амбасадара Расіі ў Эміратах, выклікалі яго да мяне. Я перадаў яму шыфраграму ў Крэмль Пуціну і Бортнікаву (дырэктар Федэральнай службы бяспекі РФ. — “Позірк”.) аб замаху на Прыгожына”.
Той, заявіў Лукашэнка, пазней пацвердзіў, што прэзідэнт Расіі папярэдзіў яго аб замаху, які рыхтуецца.
На развагі аб тым, што ён не забяспечыў дадзеныя Прыгожыну гарантыі бяспекі, Лукашэнка сказаў: “Трэба ж нешта пісаць. Каб мяне недзе ўкалоць і гэтак далей. Не больш за тое. Гэта ж глупства. Учора сказалі — палова тых, хто прачытаў адразу, пасмяялася… А астатняя палова праз дзень падумала: “Прычым тут Лукашэнка? Як ён мог у Афрыцы (а Прыгожын ляцеў з Афрыкі) забяспечыць яму бяспеку? А потым ён прызямліўся ў Маскве і паляцеў у Піцер. Як я мог яму гарантаваць гэтую бяспеку? Таму гэтыя пытанні не да мяне. Тым больш такой размовы ніколі не было — гарантаваць бяспеку на чужой тэрыторыі”.
На сваёй тэрыторыі беларускі бок выканаў усё абяцанае ўдзельнікам ПВК “Вагнер” і нават больш за тое, заявіў Лукашэнка. Паводле яго слоў, 24 жніўня (на наступны дзень пасля гібелі завадатара ПВК у авіякатастрофе. — “Позірк”.) старшыня КДБ (Іван Церцель. — “Позірк”.) звязаўся з наймітамі і перадаў, што ўсе дамоўленасці Лукашэнкі з Прыгожыным беларускі бок выканае.
Лукашэнка паведаміў, што найміты ПВК застануцца ў Беларусі: “Вагнер” жыў, “Вагнер” жывы і “Вагнер” будзе жыць у Беларусі, як бы камусьці гэта ні не хацелася. Мы яшчэ з Прыгожыным выбудавалі сістэму, як будзе ў нас размяшчацца “Вагнер”. І гэтыя здымачкі з космасу, што мы нешта дэмантуем… (лагер ля вёскі Мэта Асіповіцкага раёна. — “Позірк”.) Чаму мы лішнія намёты прыбіраем — столькі не трэба. Тут застаецца ядро, хтосьці з’ехаў у водпуск, хтосьці наогул вырашыў жыць убаку, але тэлефоны, адрасы, паролі, яўкі ў гэтым ядры вядомыя. Цягам некалькіх дзён усе будуць тут, да 10 тыс. чалавек. Цяпер няма неабходнасці іх тут трымаць. Таму нікуды яны не бягуць. Столькі, колькі нам трэба і гэтаму падраздзяленню, яны будуць у нас жыць і працаваць”.
Бізнес-джэт, на якім ляцеў Прыгожын, разбіўся ўвечары 23 жніўня ў Цвярской вобласці.
ПВК “Вагнер” і яе кіраўнік сталі часткай беларускага палітычнага парадку дня два месяцы таму, калі Аляксандр Лукашэнка, паводле яго сцвярджэння, выступіў пасярэднікам паміж Прыгожыным, які ўзняў 23 чэрвеня бунт супраць кіраўніцтва Міністэрства абароны РФ, і прэзідэнтам краіны Уладзімірам Пуціным. У выніку Прыгожын спыніў паход на Маскву.
26 чэрвеня Пуцін прапанаваў членам ПВК, якія ўсвядомілі “трагічную памылку”, некалькі варыянтаў на выбар, у тым ліку — “сысці і ў Беларусь”.
27 чэрвеня Лукашэнка заявіў, што Прыгожын знаходзіцца ў Беларусі і яму нададзены гарантыі бяспекі: “Гарантыі бяспекі, як ён (Пуцін. — “Позірк”.) учора паабяцаў, былі прадастаўлены. Я бачу, Прыгожын лятае ўжо на гэтым самалёце. Так, сапраўды, ён сёння ў Беларусі. Як я і абяцаў, калі вы хочаце нейкі час у нас “перакантавацца” і іншае, мы вам дапаможам. Натуральна, за іх (ПВК “Вагнер”. — “Позірк”.) рахунак”.
- Грамадства
Надзвычайная пажарная небяспека ў Гомельскай і Магілёўскай абласцях падоўжана на 20–22 верасня
- ПалітыкаХроніка палітычных рэпрэсій за 19 верасня 2024 годаМатэрыял даступны толькі падпісчыкам ПОЗІРК+
Асуджаны за "спробу захопу ўлады" Юрый Зянковіч звярнуўся да Лукашэнкі з просьбай аб памілаванні
- Палітыка
У Пінску за “ўдзел у пратэстах” будуць судзіць журналіста Яўгена Мікалаевіча
- ПалітыкаКачанава запрасіла ў Беларусь кіраўніцтва УгандыМатэрыял даступны толькі падпісчыкам ПОЗІРК+
- Палітыка
На волю выйшла палітзняволеная Вольга Залатар
- Палітыка
У Савеце Еўропы заклікалі Грузію перагледзець забарону на ўезд беларускаму журналісту Андрэю Мялешку
Сілавікі правялі масавыя затрыманні ў Глыбокім і Століне
- Грамадства, ПалітыкаКраіны ЕС фіксуюць амаль на 40% больш спробаў нелегальнай міграцыі з беларускай тэрыторыі, чым у жніўніМатэрыял даступны толькі падпісчыкам ПОЗІРК+
- Палітыка
Ціханоўская: Дапамога рэпрэсаваным не замяняе працу па вызваленні палітвязняў
- ПалітыкаЦіханоўская: Дапамога рэпрэсаваным не замяняе працу па вызваленні палітвязняў (падрабязна)Матэрыял даступны толькі падпісчыкам ПОЗІРК+
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Палітыка
Лукашэнка прызнаў, што ў Беларусь прывозяць дзяцей з "днр", за што яго "ледзь не зацягнулі ў суд"
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+
- ЭканомікаБудаўніцтва жылля з дзяржпадтрымкай для тых, хто мае патрэбу, скарацілася на 22,6%Матэрыял даступны толькі падпісчыкам ПОЗІРК+
- ЭканомікаДолар і юань падаражэлі на біржавых таргах 19 верасняМатэрыял даступны толькі падпісчыкам ПОЗІРК+
- Палітыка
Еўрапарламент прыняў рэзалюцыю аб становішчы палітвязняў у Беларусі
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК