Чыстыя замежныя актывы Нацбанка за месяц выраслі на 4%
14 сакавіка, Позірк. Чыстыя замежныя актывы Нацыянальнага банка за люты 2024 года выраслі на 952,5 млн рублёў і склалі на 1 сакавіка 24 млрд 741,7 млн рублёў (+4%), сведчаць звесткі на сайце рэгулятара.
За два месяцы яны павялічыліся на 7,4% (на 1 студзеня складалі 23 млрд 41,1 млн рублёў).
Афіцыйны курс долара ў Беларусі ў лютым вырас на 1,95% (з 3,1775 да 3,2391).
Патрабаванні рэгулятара да органаў дзяржаўнага кіравання за люты выраслі на 0,3% (з 5 млрд 729,4 млн да 5 млрд 749,3 млн рублёў), з пачатку года — на 4,4% (на 1 студзеня — 5 млрд 505,2 млн).
Абавязацельствы перад органамі дзяржкіравання сталі меншымі на 4% (з 14 млрд 384,9 млн да 13 млрд 815,2 млн рублёў); +3,2% (13 млрд 384,9 млн).
Патрабаванні да іншых дэпазітных арганізацый сталі меншымі за месяц на 1,3% (з 2 млрд 564,8 млн да 2 млрд 531,8 млн рублёў); -31% (3 млрд 719,3 млн).
Да іншых сектараў патрабаванні рэгулятара сталі меншымі ў лютым на 0,3% (з 3 млрд 145,3 млн да 3 млрд 136,3 млн рублёў); +2,7% (3 млрд 55 млн).
Белстат: Пратэрмінаваная запазычанасць прадпрыемстваў за месяц вырасла на 300 млн рублёў
14 сакавіка, Позірк. У студзені 2024 года рэнтабельнасць рэалізаванай прадпрыемствамі прадукцыі склала 8,5% (у студзені 2023-га — 9,6%), рэнтабельнасць продажаў — 5,6% (7%), паведамляе Нацыянальны статыстычны камітэт. Дэбіторская запазычанасць (пазыкі прадпрыемству) на 1 лютага знізіліся да 65,8 млрд рублёў (месяцам …