Коміка Камісаранку завочна прыгаварылі да 6 гадоў зняволення

30 снежня, Позірк. Мінскі гарадскі суд завочна прыгаварыў папулярнага стэндап-коміка, ураджэнца Беларусі Вячаслава Камісаранку да 6 гадоў пазбаўлення волі, паведамляе праваабарончы цэнтр “Вясна”.

Мужчына прызнаны вінаватым паводле ч. 1 ст. 130 (распальванне расавай, нацыянальнай, рэлігійнай або іншай сацыяльнай варожасці або варажнечы), ч. 2 ст. 367 (паклёп у дачыненні да прэзідэнта), ч. 1 ст. 368 (абраза прэзідэнта) Крымінальнага кодэкса.

Спецвытворчасць у дачыненні да Камісаранкі была распачатая 15 жніўня.

Комік часта жартуе з Аляксандра Лукашэнкі і палітыкі, якую ён праводзіць.

Пасля выступу ў Турцыі прадстаўнік МУС гэтай краіны папрасіў перадаць Камісарэнку, што не варта жартаваць пра турэцкіх вышэйшых службовых асобах. Комік сам паведаміў пра гэта ў траўні.

Спецыяльная вытворчасць — вытворчасць па крымінальнай справе ў дачыненні да абвінавачанага, які знаходзіцца па-за межамі Беларусі і ўхіляецца ад яўкі ў орган, што вядзе крымінальны працэс. Магчымая па 34 складах злачынстваў, якія пераважна адносяцца да катэгорыі цяжкіх і асабліва цяжкіх. Сярод іншага гэта акт тэрарызму, генацыд, наёмніцтва, здрада дзяржаве, дыверсія, стварэнне экстрэмісцкага фарміравання або ўдзел у ім, масавыя беспарадкі, заклікі да санкцый ды інш.