Мінск 12:36

Супрацоўнікі МНС выратавалі ў Гомелі дзіця, якое ўпала ў каналізацыйны калодзеж

22 лістапада, Позірк. Пра выратаванне ў Гомелі дзяўчынкі 2015 года нараджэння паведамляецца ў сутачнай зводцы Міністэрства па надзвычайных сітуацыях.

Адзначаецца, што напярэдадні ў 17:56 у ведамства паступіла інфармацыя аб тым, што дзіця звалілася ў каналізацыйны калодзеж на тэрыторыі прыватнага домаўладання па вул. Лазоўскай.

Глыбіня студні складае тры метры. Супрацоўнікі МНС дасталі з яго дзіця “пры дапамозе лесвіцы-палкі і фізічнай сілы”, гаворыцца ў паведамленні.

“Стан дзіцяці здавальняючы, у медыцынскай дапамозе не мае патрэбы”, — паведамілі ў міністэрстве.

Падзяліцца: