Ціханоўская заклікала кіраўніцтва парламента Канады зладзіць слуханні па Беларусі
Цэнтральны будынак парламента Канады
16 красавіка, Позірк. Зладзіць слуханні па Беларусі заклікала кіраўніцтва парламента Канады дэмакратычны лідар Святлана Ціханоўская, паведамляе яе тэлеграм-канал.
Сустрэчы са спікерам Палаты абшчын Грэгам Фергюсам, спікерам Сената Рэймон Ганье, прадстаўнікамі парламенцкай апазіцыі і групы “За дэмакратычную Беларусь” адбыліся 15 красавіка ў рамках другога візіту Ціханоўскай у Канаду.
Падчас сустрэч палітык заклікала канадскіх партнёраў далучацца да “групы сяброў Беларусі”; стаць сімвалічнымі хроснымі для палітвязняў; сустракацца з прадстаўнікамі дыяспары для вырашэння пытанняў легалізацыі; наведаць Вільнюс і Варшаву, каб сустрэцца з былымі палітвязнямі, праваабаронцамі і медыя; арганізаваць дні салідарнасці з Беларуссю.
На сустрэчах таксама абмяркоўваліся ваенна-палітычная сітуацыя ў Беларусі, сітуацыя з палітвязнямі, санкцыі, падтрымка рэпрэсаваных і незалежных медыя, прыцягненне рэжыму Аляксандра Лукашэнкі да адказнасці, праблемы беларускай дыяспары ў Канадзе.
Ціханоўская папрасіла парламентарыяў падтрымаць прадстаўнікоў дэмакратычнай Беларусі ў парламенцкіх асамблеях АБСЕ І НАТО.
Паведамляецца, што палітык таксама сустрэлася з лідарамі Кансерватыўнай партыі — прэм’ер-міністрам і міністрам замежных спраў у “ценявым урадзе” (сфармаваны апазіцыяй кабінет міністраў, гатовы ўзначаліць краіну ў выпадку палітычнай перамогі).
Ціханоўская наведвала Канаду 14–15 красавіка. Адбыліся яе сустрэчы з прэм’ер-міністрам Джасцінам Трудо і міністрам замежных спраў Мелані Жолі. Канада абвясціла пра ўвядзенне новых санкцый супраць рэжыму Аляксандра Лукашэнкі.
Упершыню палітык здзейсніла візіт у гэтую краіну ў лістападзе 2022 года. Тады Атава таксама ўвяла новыя абмежавальныя меры.
Ціханоўская вітае новыя санкцыі ЗША і Канады супраць рэжыму Лукашэнкі
16 красавіка, Позірк. "Я вітаю <…> скаардынаваныя дзеянні ЗША і Канады супраць беларускага рэжыму, cкіраваныя на яго прадпрыемствы і індывідуальных асоб, якія маюць дачыненне да ўхілення ад санкцый і парушэнняў правоў чалавека", — адзначыла дэмакратычны лідар Святлана Ціханоўская на сваёй старонцы ў …
