Ухвалены праект міжнароднай тэхнічнай дапамогі па падвышэнні бяспекі БелАЭС
20 красавіка, Позірк. Ухвалены праект міжнароднай тэхнічнай дапамогі “Падвышэнне бяспекі, надзейнасці і эфектыўнасці атамнай электрастанцыі на пачатковым этапе яе эксплуатацыі”, вынікае з пастановы Савета міністраў № 296 ад 19 красавіка.
Згодна з дакументам, апублікаваным 20 красавіка на Нацыянальным прававым інтэрнэт-партале, рашэнне прынятае на падставе прапаноў урадавай камісіі па пытаннях міжнароднага тэхнічнага супрацоўніцтва, замацаваных у пратаколе ад 21 сакавіка.
Каардынаваць і кантраляваць рэалізацыю праекта даручана Міністэрству энергетыкі.
У пастанове не канкрэтызавана, хто дасць Беларусі міжнародную тэхнічную дапамогу. Зыходзячы з папярэдніх дакументаў падобнага зместу, можна меркаваць, што гаворка пра дапамогу з боку Міжнароднага агенцтва па атамнай энергіі (МАГАТЭ).
Збудаванне Беларускай АЭС завяршылася ўвосені 2023 года. Першы энергаблок станцыі сілкуе энергасістэму краіны з 3 лістапада 2020 года, другі — з 13 траўня 2023-га. У прамысловую эксплуатацыю яны ўведзеныя ў чэрвені 2021-га і лістападзе 2023-га адпаведна.
Улады разглядаюць магчымасць павялічыць магутнасць БелАЭС за кошт будаўніцтва дадатковых блокаў або пабудаваць другую атамную станцыю.
Цэны на паліва для БелАЭС будзе ўзгадняць "Расатам" — законапраект
17 красавіка, Позірк. Палата прадстаўнікоў Нацыянальнага сходу (ПП НС) прыняла 17 красавіка ў адным чытанні праект закона "Аб ратыфікацыі пратакола аб унясенні змяненняў у Пагадненне паміж урадамі Беларусі і Расіі аб супрацоўніцтве ў будаўніцтве на тэрыторыі Беларусі атамнай электрастанцыі ад …
Беларусь павінна пачаць пагашаць расійскі крэдыт на будаўніцтва АЭС
1 красавіка, Позірк. Беларусь павінна пачаць пагашаць расійскі крэдыт на будаўніцтва атамнай электрастанцыі пад Астраўцом (Гродзенская вобласць). Летась улады РФ перанеслі тэрмін пачатку пагашэння асноўнага доўгу з 1 красавіка 2023-га на 1 красавіка 2024-га. Акрамя таго, валюта плацяжоў была зменена з долараў …
