На заводзе ў Лепелі адбыўся пажар
16 чэрвеня, Позірк. Аб ліквідацыі ўзгарання на тэрыторыі Лепельскага рамонтна-механічнага завода (Віцебская вобласць) паведаміла прэс-служба Міністэрства па надзвычайных сітуацыях.
Адзначаецца, што гарэла “сушыльная камера кантэйнернага тыпу, якая стаіць асобна”.
Пацярпелых няма.
Прычына інцыдэнту высвятляецца.
Паводле звестак МНС, у мінулыя аператыўныя суткі (з 06:00 да 06:00) у Беларусі адбылося 11 пажараў, загінуў адзін чалавек — пенсіянер у Глыбокім (Віцебская вобласць).
З пачатку года зафіксавана 2.730 пажараў (на 1,8% менш, чым за той жа перыяд 2023-га). У 2024 годзе агонь траўмаваў 249 чалавек (-6,7%).
У актуальных даных ведамства гаворыцца, што з пачатку года ў выніку пажараў загінула 277 чалавек (+10,4%), але, верагодна, гэта састарэлая інфармацыя.
Пра 277 загінулых ад агню з пачатку года МНС паведамляла 11 чэрвеня.
У выніку пажару на прадпрыемстве "Нафтан" атрымаў апёкі будаўнік-рамонтнік
11 чэрвеня, Позірк. У выніку пажару на ААТ "Нафтан" у Наваполацку (Віцебская вобласць) пацярпеў адзін чалавек, паведамляе прэс-служба Міністэрства па надзвычайных сітуацыях. Адзначаецца, што апёкі атрымаў мужчына 1975 года нараджэння — работнік спецыялізаванага рамонтна-будаўнічага ўпраўлення № 3 Наваполацка. У паведамленні …