Лукашэнка хоча да канца года сустрэцца з Мадурам, які абвешчаны пераабраным прэзідэнтам Венесуэлы
29 ліпеня, Позірк. Жыхары Венесуэлы “падтрымалі курс на пабудову сучаснай і незалежнай дзяржавы, у якой народ можа самастойна вызначаць свой лёс”, адзначыў 29 ліпеня Аляксандр Лукашэнка ў віншаванні Нікаласу Мадуру, абвешчанаму пераабраным прэзідэнтам гэтай лацінаамерыканскай краіны.
“У вельмі няпростых умовах венесуэльскаму ўраду ўдалося выйсці на паступальнае аднаўленне эканомікі і падвышэнне ўзроўню жыцця звычайных грамадзян, — прыводзіць тэкст паслання прэс-служба віншавальніка. — Цвёрдую пазіцыю афіцыйнага Каракаса добра чуваць на ўсіх міжнародных пляцоўках”.
На думку Лукашэнкі, Венесуэла пад кіраўніцтвам Мадуры “працягне ўпэўнена крочыць па шляху ўмацавання свайго суверэнітэту, развіцця кампетэнцый па шматлікіх напрамках”.
“Мінск гатовы браць у гэтым актыўны ўдзел, што было пацверджана падчас нядаўняга візіту прэм’ер-міністра Рэспублікі Беларусь у Каракас. Разлічваю, што да канца года мы зможам сустрэцца з вамі і прадметна абмеркаваць стан выканання нашых дамоўленасцей”, — адзначыў ён.
Нацыянальная выбарчая камісія Венесуэлы 29 ліпеня абвясціла Мадуру пераможцам прэзідэнцкіх выбараў, якія адбыліся напярэдадні. Паводле папярэдніх даных, ён набраў 51% галасоў выбаршчыкаў, якія з’явіліся на ўчасткі, такім чынам пераабраўшыся на трэці тэрмін. Венесуэльская апазіцыя абвінаваціла ўлады ў фальсіфікацыях, шэраг краін рэгіёну заявіў, што не прызнае вынікі выбараў.
Кіраўнік беларускага ўрада Раман Галоўчанка на сустрэчы з міністрам замежных спраў Венесуэлы Іванам Хілем 14 ліпеня ў Каракасе заявіў, што Мінск выказвае Мадуру “цвёрдую і непахісную” падтрымку. “Мы з вялікім нецярпеннем чакаем візіту ў Беларусь Нікаласа Мадуры. Разлічваем, што пасля перамогі на прэзідэнцкіх выбарах адной з першых краін ён наведае нашу дружалюбную краіну”, — сказаў прэм’ер.
На яго думку, перамовы ў рамках візіту дапамогуць “знайсці новыя рашэнні”, каб палепшыць паказчыкі двухбаковага гандлю, надаць імпульс “некаторым прамысловым праектам, якія закладаліся яшчэ пры [мінулым прэзідэнце Венесуэлы] Уга Чавесе”.
На наступны дзень Галоўчанка абмеркаваў з Мадурам умацаванне палітычных і эканамічных стасункаў паміж дзвюма краінамі.
Мадура прыйшоў да ўлады па выніках выбараў 14 красавіка 2013 года (паводле афіцыйных даных, за яго прагаласавала 50,76% выбаршчыкаў, за яго апанента Энрыке Капрылеса — 49,07%). У 2014 годзе ў Венесуэле пачаліся масавыя пратэсты, многіх удзельнікаў арыштавалі.
У студзені 2017 года большасць дэпутатаў Нацыянальнай асамблеі Венесуэлы прагаласавала за абвяшчэнне Мадуры асобай, якая пакінула пасаду кіраўніка дзяржавы, але Вярхоўны суд прызнаў гэтае рашэнне неканстытуцыйным.
Па выніках выбараў 20 траўня 2018 года было абвешчана, што Мадура пераабраны прэзідэнтам (нібыта за яго прагаласавала 67,8% выбаршчыкаў).
На фоне зацягнутага палітычнага крызісу ў студзені 2019 года венесуэльская апазіцыя сфармавала новы цэнтр сілы — спікер Нацыянальнай асамблеі Хуан Гуайда абвясціў сябе выканаўцам абавязкаў прэзідэнта.
Пазней улады і частка апазіцыі заключылі пагадненне аб умовах правядзення прэзідэнцкіх выбараў у 2024 годзе. Паводле інфармацыі The Washington Post, ЗША выказвалі гатоўнасць змякчыць санкцыі супраць нафтавай галіны Венесуэлы, калі выбары пройдуць празрыста, у прысутнасці міжнародных назіральнікаў і прэсы.
- Грамадства, Эканоміка
З 20 верасня вырастуць тарыфы на праезд па платных дарогах
- Грамадства, Палітыка
Латушка і Коўшык абмеркавалі з уладамі Польшчы праблемы беларускіх студэнтаў
- Палітыка
Беларусь будзе ўдзельнічаць у саміце па ўрэгуляванні канфлікту ва Украіне, калі туды запросяць Расію — амбасадар у Швейцарыі
- ЭканомікаБольш за ўсё за год прадукты харчавання ў ЕАЭС падаражэлі ў Беларусі і РасііМатэрыял даступны толькі падпісчыкам ПОЗІРК+
- Палітыка
Рыжанкоў прыняў у новага амбасадара Кітая копіі даверчых грамат
- Грамадства, Палітыка
Журналістцы-палітзняволенай Шчыраковай уручаная прэмія Free Media Awards
- Палітыка
Ціханоўская заклікала палітэмігрантаў не наведваць Беларусь
- ГрамадстваЗа апошнія пяць дзён на беларускіх метэастанцыях зафіксавана 70 тэмпературных рэкордаўМатэрыял даступны толькі падпісчыкам ПОЗІРК+
- Палітыка
Еўрапарламент узгадняе тэкст рэзалюцыі аб палітвязнях у Беларусі — Лябедзька
- ЭканомікаЗапасы прампрадукцыі на складах за пяць гадоў выраслі ў 1,7 разаМатэрыял даступны толькі падпісчыкам ПОЗІРК+
- Палітыка
Прапагандыст Пратасевіч паведаміў прозвішчы яшчэ 10 вызваленых палітвязняў
- Грамадства
У першым чытанні прыняты законапраект, які змякчае пакаранне паводле "антынаркатычнага" арт. 328 КК
- ЭканомікаВа ўсіх абласцях Беларусі запаволіўся рост ВРПМатэрыял даступны толькі падпісчыкам ПОЗІРК+
- Палітыка
Ціханоўская правядзе "шэраг палітычных сустрэч" у ЗША
- Эканоміка
Долар, еўра і юань падаражэлі на біржавых таргах 17 верасня
- Эканоміка
ПП НС ратыфікавала пагадненне з Расіяй аб вытворчасці самалёта "Асвей"
- ЭканомікаСельгасвытворчасць у гадавым вымярэнні вырасла на 7,1% — БелстатМатэрыял даступны толькі падпісчыкам ПОЗІРК+
- ПалітыкаЛатушка заклікаў міністэрствы абароны краін НАТО ўсталяваць кантакты з прадстаўніком АПК па абаронеМатэрыял даступны толькі падпісчыкам ПОЗІРК+
- Эканоміка
Рэальныя даходы насельніцтва за год павялічыліся на 9,9% — Белстат
- ЭканомікаРэальныя даходы насельніцтва за год павялічыліся на 9,9% — Белстат (падрабязна)Матэрыял даступны толькі падпісчыкам ПОЗІРК+
- Эканоміка
Белстат: Аб'ём грузаперавозак за восем месяцаў у гадавым вымярэнні вырас на 2,8%
- Палітыка
Латушка: Рэжым Беларусі — праблема для еўрапейскай бяспекі
- Эканоміка
У Беларусі запаволіўся рост эканомікі — Белстат (дапоўнена)
- Эканоміка
У Беларусі запаволіўся рост эканомікі — Белстат
- Палітыка
Пракуратура г. зв. "днр" накіравала ў суд справу байца палка Каліноўскага Дзюрбейкі, запалоненага ўлетку 2022 года
- Палітыка
На семінары ПА НАТО Ціханоўская заклікала падтрымаць барацьбу за незалежнасць Беларусі
- ПалітыкаНа семінары ПА НАТО Ціханоўская заклікала падтрымаць барацьбу за незалежнасць Беларусі (падрабязна)Матэрыял даступны толькі падпісчыкам ПОЗІРК+
- Грамадства
Надзвычайная пажарная небяспека ў Гомельскай і Магілёўскай абласцях абвешчаная на 17–19 верасня
- Палітыка
Лукашэнка назваў Дзень народнага адзінства сімвалам нацыянальнага адраджэння Беларусі
- Палітыка
Самалёт з дэпартаваным з Грузіі журналістам Мялешкам адправіўся ў Варшаву з амаль 10-гадзіннай затрымкай