Выведка Заходняга аператыўнага камандавання правяла вучэнні з выкарыстаннем досведу расійскай агрэсіі ва Украіне

30 ліпеня, Позірк. Аб правядзенні 29 і 30 ліпеня тактыка-спецыяльных вучэнняў разведчыкаў Заходняга аператыўнага камандавання “з улікам вопыту спецыяльнай ваеннай аперацыі” Узброеных сіл РФ ва Украіне паведаміла Міністэрства абароны Беларусі.

Падчас манеўраў апрабаваныя “новыя аўтаматызаваныя комплексы збору і апрацоўкі інфармацыі, створаныя на аснове штучнага інтэлекту”.

Адпрацоўвалася вядзенне “ўсіх відаў разведкі, у тым ліку паветранай з ужываннем беспілотнай авіяцыі і радыёэлектроннай разведкі з ужываннем комплексаў сродкаў аўтаматызацыі і кіравання”. Дадаткова дэталёва прапрацоўваліся пытанні вядзення контрбатарэйнай барацьбы і ўжывання FPV-дронаў.

24 лютага 2022 года Расія пачала поўнамаштабную вайну супраць Украіны, называючы яе “спецыяльнай вайсковай аперацыяй”.

На пачатковым этапе ўварвання беларуская тэрыторыя актыўна выкарыстоўвалася для ўводу войскаў, а таксама абстрэлу ўкраінскай тэрыторыі. Аляксандр Лукашэнка неаднаразова заяўляў, што падтрымлівае РФ у яе дзеяннях.

21 ліпеня 2022 года ў інтэрв’ю французскаму інфармацыйнаму агенцтву “Франс Прэс” Лукашэнка прызнаў, што з Беларусі ва Украіну ўвайшла 20-тысячная групоўка расійскіх войск. Пасля паўночныя тэрыторыі былі вызваленыя.

Гл. таксама:

Зяленскі правёў на мяжы з Беларуссю нараду па абароне рубяжоў