На фоне памілавання Крыгера дэпутат Бундэстага заклікаў не забывацца на беларускіх палітвязняў

30 ліпеня, Позірк. Радаснай падзеяй назваў памілаванне Рыка Крыгера дэпутат нямецкага Бундэстага, спікер фракцыі Свабоднай дэмакратычнай партыі (уваходзіць ва ўрадавую каааліцыю) у пытаннях Еўропы і ўзаемадзеяння са СМІ Томас Хакер.

“Аднак, нягледзячы на палёгку, не трэба забываць, што ў Беларусі больш за 1.400 чалавек несправядліва знаходзяцца за кратамі”, — напісаў Хакер у “Твітары”, маючы на ўвазе грамадзян, якіх праваабаронцы прызналі палітвязнямі.

“За гэта дыктатар Лукашэнка нясе адказнасць”, — падкрэсліў парламентарый.

Deutsche Welle прыводзіць словы неназванага прадстаўніка знешнепалітычнага ведамства ФРГ з нагоды памілавання Крыгера: “Гэтая навіна прынесла палёгку”.