Адмоўнае сальда знешняга гандлю таварамі за месяц павялічылася на 6,8%

5 снежня, Позірк. Знешнегандлёвы абарот тавараў за студзень — кастрычнік 2023 года склаў 68 млрд 556,3 млн долараў — на 11,9% больш, чым за аналагічны перыяд 2022-га (61 млрд 327,3 млн), сведчаць дадзеныя Нацыянальнага статыстычнага камітэта.

Экспарт дасягнуў 33 млрд 145,6 млн долараў (+7,2%), імпарт — 35 млрд 410,7 млн (+6,6%). Адмоўнае сальда за гэты перыяд склалася на ўзроўні 2 млрд 265,1 млн долараў.

Па выніках студзеня — верасня адмоўнае сальда таварнага гандлю склала 2 млрд 120,2 млн долараў — за месяц яно павялічылася на 144,9 млн (6,8%).

Па выніках дзесяці месяцаў 2022-га сальда было станоўчым — 438,3 млн.

17 траўня прэм’ер-міністр Раман Галоўчанка на пасяджэнні ўрада заявіў, што сітуацыя ў эканоміцы стабільная, “вынікі маюць устойлівую станоўчую тэндэнцыю”.

Згодна з найважнейшымі параметрамі прагнозу сацыяльна-эканамічнага развіцця краіны на 2023 год, прырост экспарту тавараў і паслуг павінен скласці 5,5%.