Золатавалютныя рэзервы Беларусі ў лістападзе выраслі на 1,3%

7 снежня, Позірк. Міжнародныя рэзервовыя актывы Беларусі на 1 снежня 2023 года склалі 8 млрд 256 млрд долараў у эквіваленце, вынікае з даных Нацыянальнага банка.

За лістапад золатавалютныя рэзервы выраслі на 108,7 млн. долараў (на 1,3%).

У структуры ЗВР у тым ліку манетарнае золата складае 3 млрд 524,6 млн долараў, рэзервовыя актывы ў замежнай валюце 3 млрд 356,4 млн долараў.

На 1 студзеня ЗВР складалі 7 млрд 929,5 млн долараў, 1 лютага — 8 млрд 142,8 млн, 1 сакавіка — 7 млрд 769,5 млн, 1 красавіка — 8 млрд 98,6 млн, 1 траўня — 7 млрд 968,2 млн, 1 чэрвеня — 7 млрд 872,1 млн, 1 ліпеня — 7 млрд 791,5 млн, 1 жніўня — 7 млрд 973,5 млн, 1 верасня — 7 млрд 991,2 млн, 1 кастрычніка — 7 млрд 925 млн, 1 лістапада — 8 млрд 147,1 млн.

На канец гэтага года ЗВР павінны скласці не менш за 6 млрд долараў. Такі паказчык замацаваны ва ўказе № 412 ад 28 лістапада 2022 года “Аб зацвярджэнні Асноўных напрамкаў грашова-крэдытнай палітыкі Рэспублікі Беларусь на 2023 год”.