На вучэннях у Століне МУС адпрацавала гарадскі бой з “дыверсійнымі групамі”
11 верасня, Позірк. Тыя, хто паспрабуюць падняць руку на грамадзян Беларусі, “будуць неадкладна знішчаныя”, заявіў міністр унутраных спраў Іван Кубракоў, падводзячы вынікі вучэнняў у Століне (Брэсцкая вобласць).
Паводле слоў Кубракова, якія прыводзіць прэс-служба яго ведамства, план мерапрыемстваў быў складзены з улікам сітуацыі ў Курскай вобласці Расіі; падрыхтаваны асабовы склад, спецтэхніка, праведзена работа з насельніцтвам.
“Байцы адпрацавалі дзеянні па барацьбе з дыверсійнымі групамі ў некалькіх лакацыях: не толькі на подступах да горада, але і ў яго рысе. Апошні сцэнар, падкрэслю, разглядаем як крайні выпадак. Галоўнае для нас — забяспечыць бяспеку насельніцтва, не дапусціўшы прарыву баевікоў у населеныя пункты. Яны павінны быць знішчаныя яшчэ на падыходах!” — заявіў Кубракоў.
Супрацоўнікі сілавых ведамстваў, паводле слоў міністра, прадэманстравалі, што “гатовыя супрацьстаяць такім пагрозам і абараніць суайчыннікаў”. Падобныя заняткі будуць праводзіцца і надалей.
Паводле сцвярджэння Кубракова, грамадзяне “з разуменнем паставіліся да мерапрыемства, падыходзілі да супрацоўнікаў, каб выказаць падзяку”.
“Жыхары прымежнага рэгіёна ведаюць, што адбываецца ў суседняй краіне. Яны бачаць: улада ў нас моцная, праваахоўнікі могуць абараніць межы. Мы не дапусцім хаосу, не дапусцім нападу на нашу краіну”, — сказаў міліцэйскі чыноўнік, унесены ў санкцыйныя спісы дэмакратычных краін.
Кіраўнік Гомельскага аблвыканкама Іван Крупко пасля заканчэння вучэнняў заявіў, што восем раёнаў вобласці з’яўляюцца прыгранічнымі і ўлада павінна гарантаваць бяспеку мясцовых жыхароў, бесперабойную работу прадпрыемстваў.
“Сёння адпрацавалі алгарытм дзеянняў праваахоўнікаў і прадстаўнікоў выканаўчай улады ў выпадку спробы пранікнення дыверсійных фармаванняў. Усё гэта для таго, каб грамадзяне адчувалі сябе ў бяспецы і разумелі: сілавыя структуры могуць адбіць любы ўдар!” — заявіў Крупко.
Старшыня Брэсцкага аблвыканкама Пётр Пархомчык лічыць, што праваахоўнікі “прадэманстравалі высокі ўзровень прафесіяналізму, уменне дзейнічаць на апярэджанне”.
“Важна падрыхтаваць насельніцтва да магчымага ўварвання ўзброеных груп з тэрыторыі сумежных дзяржаў, адпрацаваўшы механізмы каардынацыі ўсіх службаў. Нашыя людзі павінны ўбачыць: Беларусь не збіраецца ні на каго нападаць, але заўсёды гатовая даць адпор агрэсарам”, — заявіў Пархомчык, паўтарыўшы вядомыя выказванні Аляксандра Лукашэнкі, які адкрыта падтрымлівае расійскае ўварванне ва Украіну, але пазіцыянуе сябе як міратворцу.
11 верасня ў Століне пад кіраўніцтвам Кубракова прайшлі інструктарска-метадычныя заняткі па “спыненні дзейнасці незаконных узброеных фарміраванняў”, да якіх ускосна была прылічана ўкраінская армія.
8 верасня дзяржаўны сакратар Савета бяспекі Аляксандр Вальфовіч заявіў у эфіры тэлеканала АНТ, што апошнія два гады на тэрыторыі Украіны побач з беларускай мяжой знаходзіцца 14-тысячная групоўка вайскоўцаў. Рашэнне аб узмацненні паўднёвага аперацыйнага напрамку ён назваў “абсалютна апраўданым”.
“Усе выказванні з боку і Захаду, і з боку Украіны, што мы стварылі там нейкія групоўкі, каб пачаць наступ на поўдні на тэрыторыю Украіны, могуць выклікаць толькі лёгкую ўсмешку”, — лічыць ён.
Паводле сцвярджэння Вальфовіча, беларуская групоўка паблізу мяжы з Украінай складае “чатыры з невялікім тысячы вайскоўцаў”.
Беларусь, паводле яго слоў, ніколі не выказвала нейкіх папрокаў, пагроз, прэтэнзій ні тэрытарыяльных, ні нейкага іншага характару ў адносінах да Украіны: “Мы заўсёды жылі ў міры, сяброўстве і згодзе”.
Звесткі Вальфовіча аб колькасці ўкраінскіх войскаў каля беларускай мяжы істотна — у 8,5 раза — адрозніваюцца ад лічбы, якую прывёў Аляксандр Лукашэнка ў інтэрв’ю тэлеканалу “Расія” 15 жніўня (120 тыс.).
Столін размешчаны за 15 км ад беларуска-ўкраінскай мяжы.
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек
- ЭканомікаПры адмене цэнавага кантролю інфляцыя не перавысіць 10% — эксперт BEROC ХарытончыкМатэрыял даступны толькі падпісчыкам ПОЗІРК+
- Палітыка
Сталі вядомыя прозвішчы ўсіх 37 палітвязняў, вызваленых па памілаванні 16 верасня
- Палітыка
Ютуб-каналы беларускіх дзяржСМІ заблакаваныя ў Літве
- Эканоміка
Беларускую эканоміку чакае “павольнае астыванне” — BEROC
- ЭканомікаБеларускую эканоміку чакае "павольнае астыванне" — BEROC (падрабязна)Матэрыял даступны толькі падпісчыкам ПОЗІРК+
- Палітыка
Латушка прысвяціў прэмію “Салідарнасць” свайму бацьку і братам і паабяцаў “давесці барацьбу да канца”
- ПалітыкаЛатушка прысвяціў прэмію "Салідарнасць" свайму бацьку і братам і паабяцаў "давесці барацьбу да канца" (падрабязна)Матэрыял даступны толькі падпісчыкам ПОЗІРК+
Па патрабаванні гомельскай пракуратуры песні гурта Tor Band выдаленыя з прыкладання "Яндэкс Музыка"
- Грамадства
Мінулым днём на беларускіх метэастанцыях перапісана дзевяць рэкордаў цяпла 60-гадовай даўніны
- ГрамадстваМінулым днём на беларускіх метэастанцыях перапісана дзевяць рэкордаў цяпла 60-гадовай даўніны (падрабязна)Матэрыял даступны толькі падпісчыкам ПОЗІРК+
- Палітыка
Латвія звярнулася да ўладаў Беларусі з нагоды знікнення свайго грамадзяніна
- Палітыка
Названыя прозвішчы 27 палітвязняў, памілаваных 16 верасня
- Палітыка, Эканоміка
Суд ЕС адмовіўся здымаць санкцыі з "Беларуськалія", яго гендырэктара Галаватага і БКК
- Палітыка
Мінабароны незадаволенае тым, што Беларусь не запрашаюць назіраць за заходнімі вучэннямі
- Палітыка
Змітра Дашкевіча пачалі судзіць па новым абвінавачанні ў "злосным непадпарадкаванні" адміністрацыі калоніі
- ГрамадстваУлады маюць намер ліквідаваць аб'яднанні "Бізнес-ініцыятыва" і "Дзеці ХХІ стагоддзя"Матэрыял даступны толькі падпісчыкам ПОЗІРК+
- Палітыка
Праваабаронцы: Па справе праекту "Адукаванка" праходзяць затрыманні і выклікі ў КДБ настаўнікаў з усёй Беларусі
- Палітыка
НАТО рыхтуецца да канфлікту супраць "нашых дзяржаў", сцвярджае камандуючы ВПС і войскамі СПА Беларусі
- Грамадства
У Гомельскай вобласці 19 верасня будуць гучаць сірэны
- Эканоміка
Долар, еўра і юань падаражэлі на таргах БВФБ 18 верасня
- Палітыка, ЭканомікаДМК заявіў пра рост паступлення мытных плацяжоў без пазначэння аб'ёму — праз службовую таямніцуМатэрыял даступны толькі падпісчыкам ПОЗІРК+
- Грамадства, Эканоміка
Паводле ўзроўню заробку ў сферы медыцыны Беларусь на перадапошнім месцы ў ЕАЭС
- Грамадства, ЭканомікаПаводле ўзроўню заробку ў сферы медыцыны Беларусь на перадапошнім месцы ў ЕАЭС (падрабязна)Матэрыял даступны толькі падпісчыкам ПОЗІРК+
- Палітыка
АДКБ стварае пагрозы бяспецы і існаванню Арменіі, заявіў Пашынян