Цэнавае рэгуляванне будзе дзейнічаць, пакуль не знікнуць знешнія шокі для эканомікі — міністр гандлю
6 траўня, Позірк. Дзяржаўнае рэгуляванне цэн уводзілася як мера ў адказ на знешнія шокі, якія ўздзейнічалі на эканоміку Беларусі. Колькі працягнецца гэта рэгуляванне, “сказаць складана”, заявіў міністр антыманапольнага рэгулявання і гандлю Аляксей Багданаў, каментуючы 6 траўня зацвярджэнне праграмы сумесных дзеянняў урада і Камітэта дзяржаўнага кантролю (КДК) па стабілізацыі цэн на 2024 год.
Рэгуляванне коштаў было ўведзена, каб “не дапусціць негатыўнага ўплыву на рынак”, заявіў міністр, якога цытуюць дзяржСМІ. Пакуль знешнія фактары негатыўнага ўплыву не знікнуць, цэнавае рэгуляванне будзе дзейнічаць, падкрэсліў Багданаў.
Раней у той жа дзень прэс-служба ўрада паведаміла аб зацвярджэнні праграмы сумесных дзеянняў урада і КДК па стабілізацыі цэн на 2024 год. Адзначаецца, што праграма “з’яўляецца стратэгічным дакументам і ўтрымлівае меры па зніжэнні інфляцыі ў галінах эканомікі, насычэнні ўнутранага рынку таварамі, мерапрыемствы эканамічнага і адміністрацыйнага характару, а таксама меры па ўдасканаленні антыманапольнага, цэнавага рэгулявання і кантролю” і рэалізуецца з 2022 года.
Паводле слоў Багданава, асноўная мэта праграмы — “падтрыманне стабільнасці цэн і даступнасці тавараў на ўнутраным рынку”, яна аб’ядноўвае “некалькі блокаў пытанняў і дзеянняў, якія будуць прыняты сёлета”.
У прыватнасці, адзначыў кіраўнік МАРГ, “будуць рэалізаваны тыя моманты, якія прадугледжвае імпартазамяшчэнне” розных тавараў, а таксама “будзе актывізавацца праца нашых вытворцаў па прасоўванні сваёй прадукцыі ў афлайн-гандлі і на лічбавых пляцоўках”.
Праграма таксама ўключае меры па “ўдасканаленні цэнавага рэгулявання, антыманапольнага права і кантрольна-нагляднай дзейнасці”, адзначыў міністр.
Ва ўрадзе адзначылі, што большасць мерапрыемстваў праграмы ўжо рэалізуецца.
У ліпені 2022 года намеснік старшыні Камітэта дзяржаўнага кантролю Андрэй Лабовіч заяўляў, што з дапамогай кантрольных мерапрыемстваў выяўляецца даволі шмат парушэнняў у сферы цэнаўтварэння, невыканання асартыментных пералікаў, якасці прадукцыі, асабліва замежнай вытворчасці.
“Разам усе гэтыя фактары падштурхнулі ўрад разам з Камітэтам дзяржаўнага кантролю распрацаваць такую праграму, якая будзе ў першую чаргу накіравана на стрымліванне цэн і ўсталяванне іх справядлівага ўзроўню, зыходзячы з сённяшняй кан’юнктуры”, — заявіў прадстаўнік ведамства.
6 кастрычніка 2022 года Аляксандр Лукашэнка па выніках нарады аб цэнавай сітуацыі ў краіне падпісаў дырэктыву № 10 “Аб недапушчальнасці росту цэн”. Свае дакументы прынялі ўрад, Камітэт дзяржкантролю, Генпракуратура. Тыя, хто павысіць цэны без санкцыі міністра антыманапольнага рэгулявання і гандлю альбо старшыні аблвыканкама (Мінгарвыканкама), будуць несці адказнасць аж да крымінальнай, заявіў на нарадзе Лукашэнка.
Пастановай урада ад 19 кастрычніка 2022 года № 713 было ўведзена рэгуляванне цэн на тавары ўсяго спажывецкага кошыка. Пазней з яго былі выключаныя некаторыя групы тавараў, падкарэктаваныя правілы рэгулявання цэн.
- Грамадства
Беларусаў да асцярожнасці з-за паводак у Еўропе заклікала толькі амбасада ў Аўстрыі
- Палітыка
Праваабаронцы прызналі палітвязнямі яшчэ 22 чалавекі
- Эканоміка
З 1995 года пагалоўе свіней у Беларусі знізілася ў 1,6 раза, кароў — у 1,5
- Грамадства, Палітыка
Ціханоўская аб палітвязнях: Рэжым спрабуе стварыць ілюзію, нібыта вызваляе "злачынцаў"
- ГрамадстваУ Мінску тры дні назіраецца рэкордная тэмператураМатэрыял даступны толькі падпісчыкам ПОЗІРК+
- Грамадства, Палітыка
Памілавана яшчэ 37 асуджаных за пратэсты
- Палітыка
Беларусы ў Грузіі арганізавалі пікет ля будынка ўрада ў сувязі з дэпартацыяй Андрэя Мялешкі
- Грамадства
Разам з журналістам Мялешкам з Грузіі дэпартуюць яго непаўналетнюю дачку — БАЖ
- Палітыка
Вячорка: Ведаем пра сітуацыю з Мялешкам, але ў нас пакуль не атрымалася збудаваць адносіны з урадам Грузіі
- Грамадства
У аўтамабільнай аварыі ў Ляхавіцкім раёне загінула два чалавекі, адзін цяжка траўмаваны
- Грамадства, Палітыка
За 8 месяцаў мытнікі вынялі на мяжы каля 2,5 тыс. адзінак халоднай зброі — ДМК
- Эканоміка
Долар і еўра падаражэлі на таргах БВФБ 16 верасня
- Палітыка
Латушка: Пазіцыі АПК і Літвы ў галоўных пытаннях палітыкі ў дачыненні да Лукашэнкі супадаюць
- Грамадства, Палітыка
Больш за 5 тыс. жыхароў краін Еўропы наведала Беларусь без віз за тыдзень —Дзяржпагранкамітэт
- Эканоміка
У студзені — жніўні рознічны тавараабарот у Беларусі вырас на 12% да таго ж перыяду 2023 года
- Палітыка
Прэм'ер-міністр Славакіі віншаваў з юбілеем Лукашэнку, якога ЕС не лічыць законным прэзідэнтам
- Палітыка, Эканоміка
Лукашэнка па факце прызнаў занепакоенасць сітуацыяй з транзітам грузаў праз Беларусь
- Грамадства, Палітыка
Ціханоўская ў 25-ю гадавіну знікнення Ганчара і Красоўскага: Рэжым павінен адказаць за злачынствы
- ЭканомікаСярэднія працэнтныя стаўкі па крэдытах у Беларусі працягваюць расціМатэрыял даступны толькі падпісчыкам ПОЗІРК+
- Эканоміка
У Беларусі запаволіўся рост прамысловай вытворчасці — Белстат
- ЭканомікаБелстат: Даўгі прадпрыемстваў за год выраслі на 15%Матэрыял даступны толькі падпісчыкам ПОЗІРК+
- Грамадства, Палітыка
Беларусы Вроцлава мабілізуюцца для аказання дапамогі пацярпелым ад наступстваў паводкі
- Грамадства, Эканоміка
Рассельгаснагляд узяў пад узмоцнены кантроль прадукцыю пяці беларускіх прадпрыемстваў
- Грамадства
З красавіка ў Беларусі пацярпела не менш як 45 адзінак сельгастэхнікі
- Палітыка
Лукашэнка жадае, каб мітрапаліт Веніямін і надалей умацоўваў “духоўнае адзінства” беларусаў
- ПалітыкаЦіханоўская ўздыме перад ПА НАТО пытанне прыцягнення рэжыму Лукашэнкі да адказнасціМатэрыял даступны толькі падпісчыкам ПОЗІРК+
- Эканоміка
Да канца года ЕАБР чакае ў Беларусі інфляцыю "блізкай да цяперашніх значэнняў"
- ПалітыкаЛекар Салавей: Я буду шчаслівы, калі 5% медыкаў, якія з'ехалі, вернуцца ў БеларусьМатэрыял даступны толькі падпісчыкам ПОЗІРК+
- Эканоміка
Валавы знешні доўг Беларусі за другі квартал вырас на 0,7%
- Палітыка
Беларусь і Мексіка маюць патэнцыял для палітычнай і эканамічнай супрацы, лічыць Лукашэнка