Праз непагадзь парушылася электразабеспячэнне ў 391 населеным пункце
22 жніўня, Позірк. У 391 населеным пункце Беларусі перыядычна парушалася электразабеспячэнне на працягу мінулых сутак (c 6:00 па 6:00), паведаміла ДВА “Белэнерга”.
Па стане на 6:00 22 жніўня працягвалася работа па аднаўленні электразабеспячэння ў 39 населеных пунктах, у асноўным у Мінскай і Віцебскай абласцях. Для ліквідацыі наступстваў парушэння энергазабеспячэння было задзейнічана больш за 240 спецыялістаў і 89 адзінак тэхнікі.
У Беларусі захоўваецца аранжавы ўзровень небяспекі. Паводле даных Белгідрамета, 22 жніўня на большай частцы тэрыторыі краіны і ў Мінску чакаюцца навальніцы, месцамі пры навальніцах моцныя ліўні і шквалістае ўзмацненне ветру парывамі 15–20 м/с.максімальная тэмпература паветра — +31 градус.
