Мытня спыніла перавозку адзення і абутку без дакументаў на 640 тыс. рублёў
17 сакавіка, Позірк. Перавозку “тавараў народнага спажывання” на суму 640 тыс. рублёў (каля 217 тыс. долараў), што транспартаваліся без якіх-небудзь дакументаў, спынілі аператыўнікі Брэсцкай мытні.
Паводле інфармацыі прэс-службы Дзяржаўнага мытнага камітэта, пры правядзенні “адмысловых мерапрыемстваў” у мікрааўтобусах “Фальксваген Крафтар” і “Мэрсэдэс-Бенц Спрынтар” было выяўлена 13 тыс. адзінак адзення, абутку, тэкстылю ды іншых тавараў замежнай вытворчасці. Транспартнымі сродкамі кіравалі індывідуальныя прадпрымальнікі з Беларусі.
У дачыненні да ІП распачатыя адміністрацыйныя працэсы паводле арт. 13.12 КаАП (парушэнне парадку набыцця, захоўвання, выкарыстання ў вытворчасці, транспартавання, водпуску і рэалізацыі тавараў). Гэты артыкул прадугледжвае штраф да 50% кошту прадмета правапарушэння.
Мытня звяртае ўвагу, што абавязак мець дакументы на “грузы таварнага характару”, аформленыя ў адпаведнасці з законам “Аб аўтамабільным транспарце і аўтамабільных перавозках”, ускладаецца на перавозчыка.
Польскі перавозчык спрабаваў увезці ў Беларусь 10 т фурнітуры, шматразова занізіўшы кошт
12 сакавіка, Позірк. Польскі перавозчык спрабаваў увезці ў Беларусь груз, шматразова занізіўшы яго кошт, вынікае з паведамлення Дзяржаўнага мытнага камітэта. Паводле інфармацыі ведамства, грузавік DAF з 10 тонамі аконнай фурнітуры, загружанай у Літве, прыбыў для афармлення ў пункт пропуску Казловічы …
Расіянін стаў фігурантам крымінальнай справы за спробу ўвозу ў Беларусь траўматычнага пісталета з патронамі
10 сакавіка, Позірк. Распачата крымінальная справа ў дачыненні да грамадзяніна Расіі, які спрабаваў увезці ў Беларусь пісталет з патронамі, паведамляе Дзяржаўны мытны камітэт (ДМК). Мужчыну абвінавачваюць паводле арт. 3331 КК (незаконнае перамяшчэнне праз мяжу ЕАЭС або дзяржаўную мяжу Беларусі моцнадзейных, …
