Жонка Бяляцкага назвала вызваленне палітвязняў “гульнёй Лукашэнкі” (дапоўнена)
Дададзеныя 7–11-ы абзацы

8 кастрычніка, Позірк. Вызваленне па памілаванні шэрагу палітычных зняволеных з’яўляецца “гульнёй” Аляксандра Лукашэнкі, якую ён вядзе па неабходнасці, заявіла 8 кастрычніка на семінары па палітвязнях у парламенце Нарвегіі Наталля Пінчук, жонка лаўрэата Нобелеўскай прэміі міру, праваабаронцы Алеся Бяляцкага.
Трансляцыя семінара была арганізавана на партале нарвежскага парламента.
На думку Пінчук, згаданую “гульню” Лукашэнка вымушаны весці, каб “заручыцца падтрымкай Еўропы, каб выйсці з той цяжкай сітуацыі, у якой ён знаходзіцца”.
“Таму працягваць палітыку дапамогі і салідарнасці з Беларуссю (з боку Захаду. — “Позірк”.) проста неабходна”, — сказала Пінчук.
Яна падзякавала Нарвегіі за салідарнасьць з Беларуссю і намаганні, якія яна прыкладае, каб дамагчыся вызвалення Бяляцкага і іншых палітвязняў.
“Мы спадзяемся, што тым жахам, якія дзеюцца ў Беларусі, пры падтрымцы Нарвегіі і іншых краін, міжнароднай супольнасці будзе пакладзены канец. Нарвегія стала ініцыятарам і ўнесла вялікі фінансавы ўклад у [Міжнародны] фонд дапамогі палітвязням. Гэта вельмі неабходна цяпер тым беларусам, якія знаходзяцца ў зняволенні, і для іх родных. Гэта таксама дапамагае падтрымліваць беларускае грамадства, тую яго частку, якая не падтрымлівае Лукашэнку. І гэта дае надзею на дэмакратычныя пераўтварэнні ў Беларусі”, — падкрэсліла жонка палітвязня, які адбывае 10-гадовы тэрмін пазбаўлення волі па палітычна матываванай справе праваабарончага цэнтра “Вясна”.
На адкрыцці семінара па палітвязнях выступіла дэмакратычны лідар Святлана Ціханоўская, паведамляе яе прэс-служба.
Адзначаецца, што ў семінары бяруць удзел больш за 100 чалавек: дэпутаты, чыноўнікі, праваабаронцы, журналісты. Акрамя прадстаўнікоў Беларусі і Нарвегіі, у мерапрыемстве задзейнічаныя ўдзельнікі з Сербіі, Грузіі, Украіны і Азербайджана.
Пазней у гэты дзень Ціханоўская і Пінчук сустрэліся з членамі камітэтам па абароне і замежных справах парламента Нарвегіі.
Паведамляецца, што на сустрэчы абмяркоўваліся “ваенна-палітычная сітуацыя ў Беларусі, сітуацыя з палітвязнямі, падтрымка мабільнасці беларусаў і пытанні з легалізацыяй”.
“Абмеркавалі таксама “бязвыбары” 2025 года, Ціханоўская адзначыла, што яны не будуць ні свабоднымі, ні дэмакратычнымі”, — адзначае прэс-служба дэмлідара.
З 3 ліпеня Аляксандр Лукашэнка памілаваў 115 чалавек.
У месцах несвабоды на сёння застаецца 1.281 чалавек, прызнаны палітвязнем.
- Грамадства, Палітыка
- Грамадства, Палітыка
- Палітыка, Эканоміка
- Палітыка
- Палітыка
- Грамадства, ПалітыкаУ ЕС наспела неабходнасць выпрацаваць адзіную палітыку ў дачыненні да беларусаў без пашпартоў — ДэйкалаМатэрыял даступны толькі падпісчыкам ПОЗІРК+
- ЭканомікаЗа 30 гадоў плошча лясоў у Беларусі павялічылася на 1 га, імі пакрыта 47% тэрыторыі краіны — даныя МінлясгасаМатэрыял даступны толькі падпісчыкам ПОЗІРК+
- Грамадства, ПалітыкаВызваленне палітвязняў і зніжэнне рэпрэсій — гэта "розныя трэкі", лічыць эксперт БХК ДэйкалаМатэрыял даступны толькі падпісчыкам ПОЗІРК+
- Грамадства, ПалітыкаУ Беларусі дзяржава таталітарызуе і манапалізуе сферу асабістага жыцця — БХКМатэрыял даступны толькі падпісчыкам ПОЗІРК+
- Палітыка
- Эканоміка
- Палітыка
- Эканоміка
- Эканоміка6% плошчаў паляўнічых угоддзяў знаходзяцца ў бязвыплатным карыстанні Кіраўніцтва справамі прэзідэнта — Мінлясгас (падрабязна)Матэрыял даступны толькі падпісчыкам ПОЗІРК+
- Эканоміка
- ЭканомікаАдмоўнае сальда знешняга гандлю спажывецкімі таварамі за год павялічылася амаль у 8 разоўМатэрыял даступны толькі падпісчыкам ПОЗІРК+
- Палітыка, Эканоміка
- Эканоміка
- ЭканомікаЧыстыя замежныя актывы Нацбанка ад пачатку года выраслі амаль на 9%Матэрыял даступны толькі падпісчыкам ПОЗІРК+
- Грамадства, Палітыка