З аўкцыёну прададзена офіснае памяшканне, якое належала Эдуарду Бабарыку
11 кастрычніка, Позірк. Офіснае памяшканне, якое належала палітвязню Эдуарду Бабарыку, прададзена на электронным аўкцыёне.
На партале продажу маёмасці “БелЮрЗабеспячэнне” пазначана, што офіс знаходзіцца на вуліцы Шорнай у Мінску, мае плошчу 30,9 м2, размешчаны на першым паверсе.
Памяшканне прададзена за 155.445 рублёў.
У жніўні з аўкцыёну былі прададзеныя матацыкл Suzuki і аўтамабіль Mercedes-Benz, якія належалі Эдуарду Бабарыку.
Да затрымання ў чэрвені 2020 года Эдуард Бабарыка кіраваў ініцыятыўнай групай па зборы подпісаў за вылучэнне свайго бацькі Віктара Бабарыкі кандыдатам у прэзідэнты. Раней узначальваў краўдфандынгавыя платформы Ulej і MolaMola.
У ліпені (дакладная дата невядомая. — “Позірк”.) Эдуард Бабарыка быў прыгавораны па новай крымінальнай справе да двух гадоў пазбаўлення волі. Яго прызналі вінаватым паводле ч. 2 арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы, якая ажыццяўляе пакаранне ў выглядзе пазбаўлення волі). Справу ініцыявала 30 красавіка адміністрацыя бабруйскай папраўчай калоніі № 2, дзе Бабарыка-малодшы адбывае пакаранне.
5 ліпеня 2023 года Мінскі абласны суд прыгаварыў палітвязня да васьмі гадоў пазбаўлення волі ва ўмовах узмоцненага рэжыму паводле ч. 3 арт. 243 (ухіленне ад выплаты падаткаў), ч. 6 арт. 16 і ч. 1 арт. 342 (саўдзел у арганізацыі і падрыхтоўцы дзеянняў, якія груба парушаюць грамадскі парадак), ч. 6 арт. 16 і ч. 3 арт. 130 (саўдзел у распальванні расавай, нацыянальнай, рэлігійнай альбо іншай сацыяльнай варожасці або варажнечы) КК.
Эдуард Бабарыка ўтрымліваўся ў следчым ізалятары больш за тры гады.
У снежні 2023 года МУС унесла яго ў пералік асоб, “датычных да экстрэмісцкай дзейнасці”, а КДБ — у спіс асоб, “датычных да тэрарыстычнай дзейнасці”.
Віктар Бабарыка адбывае 14-гадовае пазбаўленне волі ва ўмовах узмоцненага рэжыму за “атрыманне хабару ў асабліва буйным памеры” (ч. 3 арт. 430) і “легалізацыю сродкаў, атрыманых злачынным шляхам” (ч. 2 арт. 235). Палітык віну не прызнаў.
У красавіку 2023 года з’явілася інфармацыя аб шпіталізацыі Бабарыкі-старэйшага ў наваполацкую бальніцу са слядамі збіцця і пнеўматораксам.
- Грамадства, Палітыка
- Грамадства
- Грамадства, Палітыка
- ГрамадстваЗа апошнія два дні на беларускіх метэастанцыях зафіксавана 11 рэкордаў цяплаМатэрыял даступны толькі падпісчыкам ПОЗІРК+
- Грамадства
- Палітыка
- Грамадства, Палітыка
- Палітыка
- Палітыка
- Грамадства, Палітыка, Эканоміка
- Палітыка
- Эканоміка
- Грамадства, Палітыка
- Эканоміка
- ЭканомікаБеларусь упершыню з пачатку года саступіла лідарства ў ЕАЭС па дынаміцы сельгасвытворчасці (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Палітыка
- Грамадства, Палітыка
- Грамадства, Палітыка
- Эканоміка
- Палітыка
- Грамадства, Палітыка
- ПалітыкаХроніка палітычных рэпрэсій за 10 кастрычніка 2024 годаМатэрыял даступны толькі падпісчыкам ПОЗІРК+
- Грамадства, Эканоміка
- Грамадства, Палітыка
- Палітыка
- Палітыка
- Эканоміка
- Грамадства, Палітыка
- Эканоміка