Экс-міністр абароны Жадобін: Выбары будуць ускладнены
14 лістапада, Позірк. “У нас з вамі наперадзе на бліжэйшыя пяць гадоў самая галоўная палітычная падзея — выбары кіраўніка дзяржавы, якія будуць ускладнены: будуць спрабаваць з боку ўмяшацца ў нашы ўнутраныя справы”, — заявіў экс-міністр абароны Юрый Жадобін на аператыўным зборы каманднага складу Узброеных сіл 14 лістапада ў Мінску, куды ён запрошаны з нагоды свайго 70-годдзя.
У сувязі з выбарамі ваенным “чакаецца нялёгкі час”, лічыць Жадобін.
Паводле прэс-службы Мінабароны, ён пажадаў каманднаму складу ВС “упэўненасці ў сваіх сілах, упэўненасці ў кіраўніку дзяржавы, упэўненасці ў правільнасці прымаемых рашэнняў”.
Сёмыя прэзідэнцкія выбары адбудуцца 26 студзеня 2025 года.
Папярэднія прайшлі 9 жніўня 2020-га і выклікалі хвалю масавых пратэстаў, на якія ўлады адказалі небывалымі па маштабе рэпрэсіямі, якія працягваліся дагэтуль.
Для падаўлення пратэстаў у тым ліку выкарыстоўваліся Узброеныя сілы. Ад дзеянняў Сіл спецыяльных аперацый у Брэсце загінуў Генадзь Шутаў.
Ураджэнец украінскага Днепрапятроўска (Днепр) Жадобін узначальваў Мінабароны ў 2009–2014 гадах. Раней быў камандуючым Унутранымі войскамі МУС, кіраўніком службы бяспекі Аляксандра Лукашэнкі, дзяржсакратаром Савета бяспекі і кіраўніком КДБ.
Кіраўнік ССА спадзяецца, што "гэтыя выбары будуць адбывацца спакойна"
28 кастрычніка, Позірк. У выпадку няштатнай сітуацыі падчас выбарчага працэсу ў справу ўключацца байцы Сіл спецыяльных аперацый (ССА), заявіў іх камандуючы Вадзім Дзенісенка ў эфіры тэлеканала СТБ 27 кастрычніка. Адказваючы на пытанне карэспандэнта, як ваенны спецназ рыхтуецца да маючай адбыцца …