Беларусь заняла другое месца на тэрыторыі былога СССР па росце афіцыйнага курсу долара ў лістападзе і за 11 месяцаў 2024 года

2 снежня, Позірк. На 8,34% (з 3,1775 да 3,5951 рубля) вырас афіцыйны курс долара ЗША ў Беларусі сёлета ў студзені — лістападзе. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2023 года і 30 лістапада 2024-га (па выніках студзеня — верасня было шостае месца — 1,06%, студзеня — кастрычніка — чацвёртае — 4,44%).

За мінулы месяц амерыканская валюта ў Беларусі падаражэла на 8,34% — таксама другое месца, як і ў кастрычніку.

Па выніках 11 месяцаў 2024 года на першае месца, апярэдзіўшы Украіну, выйшла Расія, дзе афіцыйны курс долара вырас на 20,13% (з 89,6883 да 107,7409 рубля).

За Беларуссю ў першай пяцёрцы: Казахстан — 12,46% (з 454,56 да 511,22 тэнге), Украіна — 9,51% (з 37,9824 да 41,5956 грыўны) і Малдова — 5,06% (з 17,4062 да 18,2863 лея).

У лістападзе, як і ў жніўні, верасні і кастрычніку, першае месца па падаражэнні амерыканскай валюты заняла Расія (+11,01%).

Даведачна: у Польшчы долар за студзень — лістапад падаражэў на 3,61% (з 3,9350 да 4,0770 злотага), у лістападзе — на 1,77%.

Падрабязнасці даступныя падпісчыкам “Позірк+”

Гл. таксама па тэме:

Рост курсу долара да беларускага рубля ў лістападзе рэкордны за апошнія два гады