Долар, еўра і юань патаннелі на апошніх таргах у верасні 2026 года
30 верасня, Позірк. Амерыканская, агульная еўрапейская, а таксама кітайская валюты патаннелі на таргах Беларускай валютна-фондавай біржы 30 верасня 2026 года.
Курс долара знізіўся да 3,0207 рубля (-0,26%; -0,0078), еўра — да 3,42 (-0,37%; -0,0128), юаня — да 4,5117 за 10 (-0,31%; -0,014).
Расійскі рубель падаражэў да 3,5962 за 100 (+0,22%; +0,008).
На мінулым працоўным тыдні (21–25 верасня) курс долара вырас на 0,14% (з 3,0234 да 3,0276 рубля); юаня — знізіўся на 0,1% (з 4,5191 да 4,5145 за 10), еўра — на 0,77% (з 3,4676 да 3,441), расійскага рубля — на 0,12% (з 3,5957 да 3,5914 за 100).
У студзені — жніўні 2026 года афіцыйны курс долара ў Беларусі вырас на 4,72% (з 2,9027 да 3,0396 рубля). Як паказаў праведзены “Позіркам” аналіз, гэта трэці паказчык на тэрыторыі былога СССР.
На першых пазіцыях Расія, дзе долар падаражэў на 9,43% (з 78,2267 да 85,6007 рубля), і Украіна — 5,10% (з 42,3878 да 44,5505 грыўны). Менш вырасла афіцыйная каціроўка долара ў Малдове — на 2,93%, Латвіі, Літве, Эстоніі (уваходзяць у зону еўра) — на 1,33%, Таджыкістане — на 0,07% і Кыргызстане — на 0,04%.
