14 снежня, Позірк. “Прызнанне купалаўцаў “экстрэмістамі” — гэта пацверджанне таго, што рэжым баіцца беларускай культуры, якая ўнутры кожнага шчырага беларуса. Пацверджанне таго, што беларуская культура — пагроза для рэжыму”, — пракаментаваў “Позірку” былы дырэктар Купалаўскага тэатра Павел Латушка вызнанне “экстрэмісцкім фарміраваннем” тэатральнай групы “Вольныя купалаўцы”, якая вымушана працуе за мяжой з-за пагрозы палітычнага пераследу.
У склад “фарміравання” Міністэрства ўнутраных спраў рашэннем ад 13 снежня залічыла вядомых майстроў сцэны: Зою Белахвосцік, Алега Гарбуза, Аляксандра Гарцуева, Валянціну Гарцуеву, Сяргея Чуба, Крысціну Дробыш, Міхаіла Зуя.
