ДТЗ у Астравецкім раёне — загінула 36-гадовая жанчына, пяцёра дзяцей у бальніцы

5 студзеня, Позірк. Аб дарожна-транспартным здарэнні са смяротным зыходам у Астравецкім раёне (Гродзенская вобласць) паведаміў 5 студзеня Следчы камітэт.

Паводле папярэдняй інфармацыі, каля 16 гадзін каля вёскі Вераб’і 36-гадовая кіроўца аўтамабіля “Фальксваген” не справілася з кіраваннем, выехала на сустрэчную паласу, дзе сутыкнулася з іншамаркай “Ровер”.

Жанчына загінула.

Адзначаецца, што, акрамя яе, у аўтамабілі знаходзілася шэсць чалавек, пяцёра з якіх — непаўналетнія.

“Дзеці і кіроўца другой машыны дастаўленыя ў бальніцу”, — гаворыцца ў паведамленні.

На месцы здарэння працуе следча-аператыўная група. Узбуджана крымінальная справа паводле ч. 2 арт. 317 КК (парушэнне правілаў дарожнага руху, якое пацягнула па неасцярожнасці смерць чалавека).

Грамадства

Грамадства

Дзве непаўналетнія загінулі ў аўтааварыі ў Віцебскай вобласці, яшчэ тры чалавекі ў бальніцы

14 снежня, Позірк. Два чалавекі загінула, яшчэ тры апынулася ў бальніцы ў выніку аўтамабільнай аварыі ўвечары 14 снежня ў Віцебскай вобласці, паведамляе прэс-служба Міністэрства ўнутраных спраў. Трагедыя адбылася на 140-м кіламетры дарогі Р-15 (Крычаў — Лепель, у прэс-рэлізе памылкова названая Орша — …

Чытаць