Адмоўнае сальда гандлю таварамі за год вырасла ў 1,6 раза, перавысіўшы 4,2 млрд долараў
8 студзеня, Позірк. Знешнегандлёвы абарот тавараў Беларусі ў студзені — лістападзе 2024 года склаў 78 млрд 607,5 млн. долараў — на 4,2% больш, чым за аналагічны перыяд 2023-га (75 млрд 443,9 млн), сведчаць даныя Нацыянальнага статыстычнага камітэта.
Экспарт за 11 месяцаў дасягнуў 37 млрд 181,2 млн долараў (36 млрд 385,8; +2,2%), імпарт — 41 млрд 426,3 млн (39 млрд 58,1 млн; +6,1%). Адмоўнае сальда склала 4 млрд 245,1 млн долараў (у студзені — лістападзе 2023 года было -2 млрд 672,3 млн; +57,4%).
