Вельмі ўсцешаныя, што трапілі ў цэль — BelPol пра рэакцыю ўладаў на дэананімізацыю сябраў выбаркамаў
Назіральнікі на датэрміновым галасаванні на выбарах-2025 у аграгарадку Лясны Мінскага раёна (Бараўляны)
23 студзеня, Позірк. Аб’яднанне былых супрацоўнікаў сілавых структур BelPol усцешанае з нагоды ўзбуджэння Генеральнай пракуратурай крымінальнай справы па факце дэананімізацыі членаў выбарчых камісій і назіральнікаў на прэзідэнцкіх выбарах 2025 года.
“Мы вельмі ўсцешаныя, што трапілі ў цэль! Мы ведаем іх прозвішчы, і рана ці позна гэтыя людзі адкажуць паводле закона“, — заявілі “Позірку“ ў арганізацыі, каментуючы рашэнне Генпракуратуры.
Аб адкрыцці крымінальнай вытворчасці ў дачыненні да “ўдзельнікаў экстрэмісцкага фарміравання BelPol” паведаміў 23 студзеня начальнік упраўлення Генеральнай пракуратуры Дзмітрый Брылёў.