Праваабаронцы назвалі выбары “прапагандысцкім шоу” і нагадалі пра палітвязняў

24 студзеня, Позірк. “Так званыя прэзідэнцкія выбары” пройдуць у Беларусі 26 студзеня і яны з’яўляюцца “прапагандысцкім шоу”, гаворыцца ў сумеснай заяве праваабарончых арганізацый Libereco і “Вясна”.

“Рэжым дыктатара Аляксандра Лукашэнкі ў Беларусі правядзе прэзідэнцкія выбары. Улады, несумненна, зноў абвесцяць пераможцам цяперашняга кіраўніка”, — адзначаюць праваабаронцы.

Падкрэсліваецца, што ў адрозненне ад 2020 года маштабных пратэстаў пасля выбараў не чакаецца, бо “значная частка насельніцтва жыве ў страху, а пераслед і рэпрэсіі супраць палітычных дысідэнтаў з’яўляюцца паўсядзённай з’явай”.

У заяве зьвяртаецца ўвага, што колькасьць асуджаных паводле палітычных матываў значна вышэйшая за даныя, якія публікуюцца праваабаронцамі, бо сваякі многіх рэпрэсаваных не агалошваюць інфармацыю, баючыся рэпрэсіяў.

Праваабаронцы таксама паведамляюць пра праблемы са здароўем у некалькіх сотняў былых палітвязняў.

Падрабязнасці даступныя падпісчыкам “Позірк+”