МНС ліквідавала пажар у Крупскім цэнтры культуры, эвакуявана 14 чалавек

24 студзеня, Позірк. Аб узгаранні ў будынку Крупскага раённага цэнтра культуры (Мінская вобласць) паведаміла 24 студзеня Міністэрства па надзвычайных сітуацыях.

Адзначаецца, што агонь ахапіў “перакрыцце на плошчы 5 квадратных метраў”.

“Ратавальнікі сумесна з прадстаўнікамі аб’екта эвакуіравалі 14 чалавек”, — гаворыцца ў паведамленні ведамства.

Узгаранне “аператыўна ліквідаванае”, адзначылі ў МНС, пацярпелых няма.

Прычына пажару высвятляецца.

У аператыўнай зводцы МНС за 24 студзеня паведамляецца, што з пачатку года ў Беларусі адбыўся 401 пажар — на 14,5% менш, чым за аналагічны перыяд 2024-га (469). Загінула 56 чалавек (-26,3%; 76).

За мінулы год агонь забраў жыцці 562 чалавек — на 7,3% больш, чым у 2023-м (524).