Еўрапейская федэрацыя журналістаў заклікала донараў падтрымаць беларускія СМІ

29 студзеня, Позірк. Дзясяткі незалежных СМІ ў больш чым 30 краінах могуць сутыкнуцца з фінансавымі праблемамі праз прыпыненне праграм падтрымкі Агенцтвам ЗША па міжнародным развіцці (USAID), гаворыцца ў заяве Еўрапейскай федэрацыі журналістаў (EFJ).
У ліку медыя, якія апынуліся ва ўразлівым становішчы, называюцца і беларускія, якія працуюць у выгнанні.
Амерыканскія праграмы падтрымкі, як адзначылі ў EFJ, накіраваныя на “ўмацаванне журналісцкага прафесіяналізму, развіццё навыкаў кіравання СМІ і прасоўванне свабодных і незалежных медыя”.
“Еўрапейская федэрацыя журналістаў заклікае ўсіх патэнцыйных еўрапейскіх донараў прыняць меры для кампенсацыі сыходу ЗША, у прыватнасці, для забеспячэння выжывання <…> СМІ”, — гаворыцца ў заяве.
Прэзідэнт EFJ Майя Север падкрэсліла, што прэзідэнт ЗША Дональд Трамп сваім намерам “перабудаваць амерыканскі апарат знешняй дапамогі ў адпаведнасці з праграмай “Амерыка перш за ўсё” выклікаў хаос у экасістэме СМІ больш чым трыццаці краін свету, уключаючы многія еўрапейскія краіны”.
“Мы заклікаем еўрапейскія інстытуты і фонды мабілізаваць і скаардынаваць свае дзеянні для абароны плюралізму СМІ і падтрымкі незалежнай журналістыкі як лепшага проціяддзя супраць дэзінфармацыі. Еўрапейскі саюз і іншыя донары не могуць кінуць на волю лёсу журналістаў, якія з’яўляюцца найлепшай апорай для абароны вяршэнства закона і дэмакратыі ў краінах, дзе яны знаходзяцца пад пагрозай”, — сказала Север.
21 студзеня 2025 года Трамп падпісаў указ аб прыпыненні Вашынгтонам усёй замежнай дапамогі на 90 дзён. Акруговая суддзя Ларэн Аліхан 28 студзеня часова заблакавала дзеянне дакумента. Паведамлялася, што Белы дом праводзіць праверку. Судовае рашэнне будзе дзейнічаць да 3 лютага.
У апошні час многія беларускія СМІ ў выгнанні сутыкнуліся з фінансавымі праблемамі.
29 студзеня стала вядома, што медыяпраект “Обычное утро” можа спыніць існаванне.
29 лістапада 2024 года паведамлялася, што праект “Маланка медыя” просіць фінансавай дапамогі для аднаўлення працы свайго сайта. Збор сродкаў абвешчаны на платформе фонду салідарнасці BySol. Сума збору — 20 тыс. еўра на пяць месяцаў.
28 лістапада аб падтрымцы папрасіла рэдакцыя медыя “Новы час”.
З пачатку 2024 года з фінансавымі праблемамі сутыкнуліся многія незалежныя СМІ, у тым ліку KYKY, Reform, “Белсат”, Plan B, беларуская рэдакцыя польскага “Радыё Ўнэт”, якая ў выніку спыніла працу, EX-PRESS.
- Палітыка
- Палітыка, Эканоміка
- Эканоміка
- ЭканомікаУ першым квартале 2025 года сярод несезонных тавараў хутчэй за ўсё даражэлі какава, селядзец і шакалад (падрабязна)Матэрыял даступны толькі падпісчыкам ПОЗІРК+
- Грамадства
- Палітыка
- Палітыка
- Палітыка
- Эканоміка
- Палітыка
- Палітыка
- ПалітыкаЦіханоўская выступіць у Валенсіі на пленуме найбуйнейшай партыі Еўрапарламента (падрабязна)Матэрыял даступны толькі падпісчыкам ПОЗІРК+
- Эканоміка
- ЭканомікаЗ пачатку красавіка долар на біржы патаннеў на 2,6%, еўра — падаражэў на 3,7% на фоне стабільнасці курсу расейскага рубляМатэрыял даступны толькі падпісчыкам ПОЗІРК+
- Палітыка
- Грамадства
- Палітыка, Эканоміка
- Грамадства, Палітыка
- Палітыка
- Грамадства
- Грамадства
- Грамадства
- Палітыка
- Палітыка
- Палітыка, Эканоміка
- Палітыка, Эканоміка
- Грамадства, Палітыка
- Грамадства, ПалітыкаАд пачатку года краіны ЕС спынілі больш за 8 тыс. спробаў мігрантаў нелегальна трапіць з тэрыторыі БеларусіМатэрыял даступны толькі падпісчыкам ПОЗІРК+
- Грамадства, Палітыка
- Грамадства