У Беларусі зафіксаваны першы выпадак гібелі дзіцяці ад вэйпа — МУС
17 сакавіка, Позірк. У Беларусі зафіксаваны першы выпадак гібелі дзіцяці ад выкарыстання прылады для выпарэння курыльных вадкасцей (вэйпа), паведаміў на прэс-канферэнцыі 17 сакавіка ў Мінску намеснік начальніка аддзела арганізацыі працы інспекцыі па справах непаўналетніх галоўнага ўпраўлення аховы правапарадку і прафілактыкі МУС Васіль Дземідовіч.
Трагедыя адбылася ў Дзяржынску (Мінская вобласць) 13 сакавіка.
“Зафіксаваная смерць 16-гадовай дзяўчынкі. За некалькі хвілін да гэтага яна ў кампаніі сяброў парыла вэйп. У выніку гэтага яна адчула сябе дрэнна і страціла прытомнасць”, — адзначыў спікер.
Паводле слоў прадстаўніка МУС, штогод міліцыя фіксуе выпадкі дастаўлення ў бальніцы дзяцей, якія ўдыхалі пары з дапамогай вэйпаў.
