За пяць гадоў у Беларусі зменшылася пагалоўе ўсіх асноўных відаў сельскагаспадарчых жывёл
22 сакавіка, Позірк. За пяць гадоў у Беларусі зменшылася пагалоўе ўсіх асноўных відаў сельскагаспадарчых жывёл, сведчыць праведзены “Позіркам” аналіз даных Нацыянальнага статыстычнага камітэта.
У гаспадарках усіх катэгорый у цэлым колькасць буйной рагатай жывёлы скарацілася з 4 млн 290,8 тыс. на пачатку 2020 года да 4 млн 97,9 тыс. на пачатку 2025-га (-4,5%), у тым ліку кароў — з 1 млн 492,1 тыс. да 1 млн 428,6 тыс. (-4,3%). Колькасць свіней знізілася за гэты час з 2 млн 853,1 тыс. да 2 млн 197,3 тыс. (-23%), авечак— з 85,2 тыс. да 74 тыс. (-13,1%), коз — з 57,6 тыс. да 48 тыс. (-16,7%), коней — з 33 тыс. да 18,1 тыс. (-45,2%),трусоў — з 235,1 тыс. да 149,5 тыс. (-36,4%), пчоласем’яў — з 155,6 тыс. да 149,3 тыс. (-4%), птушкі — з 53 млн 5,6 тыс. да 51 млн 421,3 тыс. (-3%).