Мінск 14:24

Знікла сувязь са спікерам КР Мельнікавай — Латушка

Спікер КР Анжаліка Мельнікава
Стоп-кадр трансляцыі канферэнцыі "Новая Беларусь" у жніўні 2024 года ў Вільнюсе: "Позірк"

28 сакавіка, Позірк. З 25 сакавіка адсутнічае сувязь са спікерам Каардынацыйнай рады Беларусі Анжалікай Мельнікавай. Паводле наяўнай інфармацыі, яна не знаходзіцца на тэрыторыі Польшчы, паведамілі “Позірку” у прэс-службе намесніка кіраўніцы Аб’яднанага пераходнага кабінета Паўла Латушкі.

“Мы спадзяемся на лепшае, але разумеем, што першыя асобы дэмакратычных сіл Беларусі з’яўляюцца прыярытэтнымі мэтамі спецслужбаў рэжымаў у Беларусі і Расіі. Мной афіцыйна пададзеная заява ў праваахоўныя органы Польшчы аб знікненні спікеркі КР Анжалікі Мельнікавай. Па просьбе праваахоўных органаў дадзеная інфармацыя не разгалошвалася. Мы будзем інфармаваць аб развіцці сітуацыі па ўзгадненні з праваахоўнымі органамі Польшчы”, — сказаў Латушка.

Мельнікава была абраная спікерам КР трэцяга склікання 11 ліпеня 2024 года ад блока “Каманда Латушкі і Рух “За Свабоду”, які перамог на выбарах.

Падзяліцца: