12 траўня, Позірк. У 2024 годзе ў Беларусі заключана 46.242 шлюбы — на 17,5% менш, чым у 2023-м (56.044), вынікае з праведзенага “Позіркам” аналізу даных Нацыянальнага статыстычнага камітэта.
Доля беларусскіх пар, якія пабраліся шлюбам, склала 92,9% (93,8%; -0,9 п.п.), з удзелам у пары аднаго замежніка — 6,8% (6%; +0,8 п. п.).
У 2024 годзе ўпершыню ўступілі ў шлюб 28.146 жанчын (34.992; -19,6%) і 29.776 мужчын (36.933; -19,4%).
Сярэдні ўзрост жанчын, якія ўступілі ў шлюб, — 26,7 года (26,5), мужчын — 28,9 (28,8).
У 2024 годзе заключаны 461 шлюб (444; +3,8%), у якім жаніх і нявеста былі старэйшыя за 65 гадоў.
Раней паведамлялася, што ў Беларусі колькасць дзяцей-сірот і дзяцей, якія засталіся без апекі бацькоў, за год вырасла на 24,9% (з 2.203 на канец 2023-га да 2.752 на канец 2024-га).
Колькасць дзяцей, на якіх выплачваюцца штомесячныя сямейныя дапамогі, за восем гадоў зменшылася ў Беларусі на 37,1% (з 557.973 на канец 2016-га да 350.885 на канец 2024-га).
У прыватнасці, колькасць дзяцей, на якіх выплачваецца дапамога “па доглядзе дзіцяці ва ўзросце да 3-х гадоў”, зменшылася на 45,6%.
