Пратэрмінаваная запазычанасць прыватнага сектара па крэдытах вырасла за год у 5,5 раза
1 чэрвеня, Позірк. У студзені — красавіку 2025 года банкі, якія працуюць у Беларусі, выдалі крэдытаў на 60 млрд 281,2 млн рублёў — на 7,3% больш, чым за аналагічны перыяд 2024-га (56 млрд 173,8 млн), сведчыць праведзены “Позіркам” аналіз звестак Нацыянальнага банка.
На дзяржаўны сектар эканомікі прыпала 29,2% выдадзеных крэдытных сродкаў, прыватны — 70,8%.
Запазычанасць па крэдытах на 1 траўня склала 88 млрд 297,3 млн рублёў (76 млрд 189,3 млн; +15,9%). У дзяржсектара — 31 млрд 13,6 млн (27 млрд 421,6 млн; +13,1%), прыватнага — 57 млрд 283,7 млн (48 млрд 767,7 млн; +17,5%).
Пратэрмінаваная запазычанасць — 1 млрд 13,8 млн рублёў (200 млн; рост у 5,1 раза): у дзяржсектара — 35,7 млн (20,7 млн; +72,5%); прыватнага — 978,1 млн (179,3 млн; рост у 5,5 раза).
