У другім квартале доля занятых у эканоміцы жанчын у працаздольным узросце павялічылася, мужчын — знізілася
23 ліпеня, Позірк. У другім квартале 2025 года ўзровень занятасці ў эканоміцы насельніцтва ў працаздольным узросце склаў 84,5%. У параўнанні з першымі трыма месяцамі года сітуацыя не змянілася, вынікае з праведзенага “Позіркам” аналізу даных Нацыянальнага статыстычнага камітэта па выніках рэгулярнага выбарачнага абследавання хатніх гаспадарак.
Разам з тым сярод жанчын гэты паказчык склаў 85,8%, павялічыўшыся квартал да квартала на 2,6 працэнтнага пункта (у першым — 83,2%), мужчын — 83,3% (-1,3 п.п.; 84,6%), гарадскога насельніцтва — 84,5% (-0,4 п.п.; 84,9%), сельскага — 84,2% (+1,5 п.п.; 82,7%).
Паведамляецца, што беспрацоўнымі было 3,1% мужчын (3,6%; -0,5 п.п.) і 2,2% жанчын (2,6%; -0,4 п.п.). У гарадах не мела працы 2,7% насельніцтва ў працаздольным узросце (3,3%; -0,6 п.п.), у сельскай мясцовасці — 2,7% (2,4%; -0,3 п.п.).
