На пажары ў Пастаўскім раёне загінулі два чалавекі

25 ліпеня, Позірк. За мінулыя дзяжурныя суткі (з 6:00 24 ліпеня да 6:00 25 ліпеня) на пажарах у Беларусі загінулі тры чалавекі, вынікае з аператыўнай зводкі Міністэрства па надзвычайных сітуацыях.

Целы пенсіянера 1958 года нараджэння і грамадзяніна, які “знаходзіўся ў гасцях”, выяўленыя ў выніку тушэння пажару жылога дома ў вёсцы Балаі Пастаўскага раёна (Віцебская вобласць), гаворыцца ў зводцы.

У Беразіне (Мінская вобласць) агонь забраў жыццё мужчыны 1968 г.н.

Прычыны пажараў высвятляюцца.

Паводле афіцыйных даных МНС, з пачатку года здарылася 3.917 пажараў (годам раней — 3.308; +18,4%), загінуў 331 чалавек (298; +11,1%).