Ціханоўская напярэдадні сустрэчы Трампа і Пуціна: Мы не павінны дазволіць Маскве ствараць сферы ўплыву

11 жніўня, Позірк. Любое пагадненне з Расіяй мае прадугледжваць удзел Еўрасаюза, заявіла беларускі дэмакратычны лідар Святлана Ціханоўская ў святле запланаванай сустрэчы прэзідэнта ЗША Дональда Трампа і кіраўніка РФ Уладзіміра Пуціна.
“Гэта тычыцца не толькі Украіны, але і ўсяго еўрапейскага суседства, уключаючы Беларусь і Малдову, — напісала палітык 11 жніўня на сваёй старонцы ў сацыяльнай сетцы Х. — Кожная краіна нашага рэгіёну будзе закранутая такім пагадненнем. Мы не павінны дазволіць Маскве ствараць сферы ўплыву”.
Чакаецца, што сустрэча Трампа і Пуціна адбудзецца 15 жніўня на Алясцы. Дату і месца пацвердзілі абодва бакі. На перамовах амерыканскі лідар мае намер казаць пра патэнцыйнае мірнае пагадненне паміж РФ і Украінай. У размове з журналістамі ён заяўляў, што гэтае пагадненне будзе прадугледжваць “некаторы абмен тэрыторыямі”.
Прэзідэнт Украіны Уладзімір Зяленскі на гэтым фоне падкрэсліў, што Кіеў гатовы “да рэальных рашэнняў, якія могуць даць мір”, аднак адзначыў, што любыя рашэнні, якія прымаюцца супраць украінскай дзяржавы і без яе, з’яўляюцца “рашэннямі супраць міру”, “мёртвымі рашэннямі”, якія “ніколі не спрацуюць”.
“Адказ на ўкраінскае тэрытарыяльнае пытанне ўжо маецца ў Канстытуцыі Украіны. Дарыць сваю зямлю акупанту ўкраінцы не будуць. Адыходзіць ад гэтага ніхто не будзе і не зможа”, — заявіў ён.
24 лютага 2022 года Расія распачала поўнамаштабную вайну супраць Украіны — найбуйнейшую ў Еўропе пасля Другой сусветнай. Рэжым Лукашэнкі даў войску РФ тэрыторыю для нападу на суседнюю краіну ўзімку і ўвесну 2022 года, а пасля на працягу многіх месяцаў з Беларусі вяліся абстрэлы ўкраінскіх гарадоў. На тэрыторыі краіны таксама лячылі расійскіх вайскоўцаў. Паводле звестак расследавальнікаў, многія беларускія прадпрыемствы зараз актыўна займаюцца вытворчасцю на карысць расійскага вайскова-прамысловага комплексу.

- Грамадства, Палітыка
- Грамадства, ПалітыкаЦіханоўская ў Чыкага заклікала адрадзіць веру ў дэмакратыю і прыхільнасць да свабоды (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Грамадства
- ГрамадстваУ Беларусі колькасць грамадзян сталага веку за год павялічылася на 3,5% (падрабязна)Матэрыял даступны толькі падпісчыкам ПОЗІРК+
- Грамадства, Палітыка
- Палітыка, Эканоміка
- Эканоміка
- Эканоміка
- ЭканомікаАдмоўнае сальда знешняга гандлю таварамі перавысіла 3 млрд долараў (падрабязна)Матэрыял даступны толькі падпісчыкам ПОЗІРК+
- ГрамадстваBySol выключаны з Міжнароднага гуманітарнага фонду, але можа падаваць у яго заяўкі як гасцявая арганізацыяМатэрыял даступны толькі падпісчыкам ПОЗІРК+
- Палітыка
- Грамадства, Палітыка
- Грамадства, Палітыка
- Грамадства, Палітыка
- Грамадства
- Грамадства, Палітыка
- Эканоміка
- Грамадства, ПалітыкаАд пачатку прэзідэнцкай кампаніі 2020 года палітвязнямі было прызнана больш за 4 тыс. чалавек — ШыянокМатэрыял даступны толькі падпісчыкам ПОЗІРК+
- Грамадства, Эканоміка