Адмоўнае сальда знешняга гандлю спажывецкімі таварамі за год павялічылася амаль у 16 разоў
24 жніўня, Позірк. Знешнегандлёвы абарот інвестыцыйных тавараў у Беларусі ў студзені — чэрвені 2025 года склаў 4 млрд 294,4 млн долараў — на 4,6% менш, чым у першым паўгоддзі 2024-га (4 млрд 503,8 млн), сведчыць праведзены “Позіркам” аналіз даных Нацыянальнага статыстычнага камітэта.
Экспарт склаўся на ўзроўні 1 млрд 988,5 млн долараў (2 млрд 446,5 млн; -18,7%), імпарт — 2 млрд 305,9 млн (2 млрд 57,3 млн; +12,1%), адмоўнае сальда — 317,4 млн (годам раней было дадатным — 389,2 млн).
Абарот прамежкавых тавараў склаў 21 млрд 505,1 млн долараў (23 млрд 690,4 млн; -9,2%): экспарт — 9 млрд 255,5 млн (10 млрд 702,3 млн; -13,5%), імпарт — 12 млрд 249,6 млн (12 млрд 988,1 млн; -5,7%), адмоўнае сальда — 2 млрд 994,1 млн (-2 млрд 285,8 млн; +31%).
Абарот спажывецкіх тавараў вырас да 13 млрд 782,3 млн долараў (12 млрд 281 млн; +12,2%): экспарт — 6 млрд 539,9 млн (6 млрд 118,3 млн; +6,9%), імпарт — 7 млрд 242,4 млн (6 млрд 162,7 млн; +17,5%), адмоўнае сальда — 702,5 млн (-44,4 млн; рост 15,8 раза).
