Ціханоўская сустрэлася з Санду
2 кастрычніка, Позірк. Словы падтрымкі малдаўскаму народу, “які паказвае, што нават у складаных умовах можна ўпэўнена крочыць шляхам свабоды і еўрапейскай будучыні”, выказала дэмлідар Святлана Ціханоўская падчас сустрэчы з прэзідэнтам Малдовы Маяй Санду на палях саміту Еўрапейскай палітычнай супольнасці 2 кастрычніка ў Капенгагене.
“Яшчэ раз віншую з перамогай PAS на парламенцкіх выбарах! Малдова — прыклад для ўсіх нас. Захапляюся вашым лідарствам, мужнасцю і адданасцю дэмакратычным каштоўнасцям”, — цытуе беларускага палітыка яе прэс-служба.
Парламенцкія выбары ў Малдове адбыліся 28 верасня.
Праеўрапейская партыя Санду “Дзеянне і салідарнасць” (PAS) перамагла, набраўшы больш за 50% галасоў.
Паліцыя Малдовы пачала расследаванне па факце перавозкі выбаршчыкаў з Расіі у Мінск для галасавання на выбарах. Раней паведамлялася аб прыездзе з РФ для галасавання дзясяткаў малдаўскіх грамадзян. Выбарчы ўчастак размешчаны ў амбасадзе Малдовы ў Беларусі. У РФ адкрыта ўсяго два ўчасткі для галасавання на выбарах у малдаўскі парламент, абодва размешчаныя ў Маскве.
На ўчастку для галасавання ў амбасадзе Малдовы ў Беларусі большасць атрымаў “Патрыятычны блок” прарасійскага экс-прэзідэнта Ігара Дадона (53,19%; 150 галасоў). “Дзеянне і салідарнасць“ на другім месцы (28,72%; 81).
Малдаўскі народ “абраў шлях дэмакратыі, незалежнасці і еўрапейскай будучыні”, заявіла раней Ціханоўская, каментуючы вынікі галасавання.
Палітык наведвала Малдову ў кастрычніку 2023 года на запрашэнне Санду.
Персонай нон грата абвешчаны супрацоўнік беларускай амбасады ў Малдове
10 верасня, Позірк. Міністэрства замежных спраў Малдовы абвясціла персонай нон грата супрацоўніка амбасады Беларусі, ён павінен пакінуць краіну “ў тэрміны, прадугледжаныя дыпламатычнай працэдурай”, паведаміла 10 верасня агенцтва “Малдпрэс” са спасылкай прэс-сакратара знешнепалітычнага ведамства Таццяну Барак. Агенцтва адзначыла, што МЗС Малдовы …
Амбасадар Беларусі Бубен уручыў даверчыя граматы прэзідэнту Малдовы Санду
5 верасня, Позірк. Амбасадар Беларусі ў Малдове Анатоль Бубен 5 верасня ўручыў даверчыя граматы прэзідэнту краіны Мае Санду, паведамляе прэс-служба беларускага знешнепалітычнага ведамства. Адзначаецца, што "падчас кароткай гутаркі" з Санду дыпламат "пацвердзіў зацікаўленасць у падтрыманні канструктыўнага дыялогу з Малдовай, а …
Латушка выказаў расчараванне, што прэзідэнт Малдовы прыняла даверчыя граматы ў новага беларускага амбасадара
9 верасня, Позірк. Расчараванне тым, што прэзідэнт Малдовы Мая Санду прыняла даверчыя граматы ў новага беларускага амбасадара, выказаў намеснік кіраўніка Аб'яднанага пераходнага кабінета Святланы Ціханоўскай, кіраўнік Народнага антыкрызіснага ўпраўлення Павел Латушка — у мінулым кадравы дыпламат, амбасадар у Польшчы і …
