Колькасць дэпартаваных з Польшчы беларусаў скарачаецца
3 кастрычніка, Позірк. За дзевяць месяцаў 2025 года ў Польшчы былі вынесены рашэнні аб неабходнасці вяртацца на радзіму ў дачыненні да 955 грамадзян Беларусі, год таму за гэты ж перыяд іх было 1.075, інфармуе беларуская служба Польскага радыё са спасылкай на прадстаўніка галоўнай камендатуры Памежнай аховы Польшчы Конрада Шведа.
Такім чынам, колькасць зменшылася на 11%.
Адзначаецца, што 863 чалавек з пачатку году самі дабравольна выехалі з Польшчы, прымусова былі вывезеныя на мяжу 92 асобы.
Асноўнымі прычынамі дэпартацый названы нелегальнае знаходжанне ці нелегальнае працаўладкаванне ў краіне.
Напрыканцы сакавіка польскае выданне Rzeczpospolita са спасылкай на даныя Памежнай аховы паведамляла, што за два месяцы 2025 года з Польшчы дэпартавана 240 грамадзян Беларусі, а за аналагічны перыяд 2024-га — 100.
Пасля канцэрту Каржа з Польшчы дэпартавана двое беларусаў, яшчэ двое выехалі самастойна
1 кастрычніка, Позірк. З 63 затрыманых пасля варшаўскага канцэрту беларускага рэпера Макса Каржа замежнікаў з Польшчы былі дэпартаваныя двое беларусаў, яшчэ двое выехалі самастойна, паведамляе агенцтва РАР. Усяго было дэпартавана 14 чалавек, 12 з іх — грамадзяне Украіны. Пагранічная служба …
