ЕС абавязаўся ўдзяляць прыярытэтную ўвагу падтрымцы грамадзянскай супольнасці і незалежных СМІ Беларусі

10 кастрычніка, Позірк. Еўрапейскі саюз “абавязаўся на працягу наступных двух гадоў удзяляць прыярытэтную ўвагу падтрымцы правоў чалавека ў Беларусі, грамадзянскай супольнасці і незалежных СМІ, прызнаючы гэтыя галіны жыццёва важнымі для дэмакратычнай будучыні”. Такое сцвярджэнне змяшчаецца ў прэс-рэлізе генеральнага дырэктарата па пытаннях пашырэння і ўсходняга суседства Еўрапейскай камісіі (ЕК) па выніках чацвёртай сустрэчы высокапастаўленых службовых асоб Еўрапейскага саюза і кіраўніцтва беларускіх дэмакратычных сіл і прадстаўнікоў грамадзянскай супольнасці, якая адбылася 8 кастрычніка ў Бруселі.

Адзначаецца, што ўдзельнікі сустрэчы падкрэслілі важнасць далейшага ўзмацнення падтрымкі ЕС вызваленым палітычным зняволеным і ахвярам парушэнняў правоў чалавека.

Паводле інфармацыі ЕК, беларускія ўдзельнікі ” падкрэслілі тэрміновую неабходнасць аказання пастаяннай палітычнай і фінансавай падтрымкі ва ўмовах ціску з боку рэжыму“, а “прадстаўнікі ЕС зноў пацвердзілі прыхільнасць Саюза дэмакратычным памкненням і асноўным свабодам беларускага народа.

Паведамляецца, што “ЕС і дзяржавы-члены таксама абмеркавалі спосабы ўзмацнення падтрымкі вызваленых зняволеных шляхам аказання ім аператыўнай дапамогі ў рэабілітацыі і рэінтэграцыі“.

Адначасова, адзначаецца ў рэлізе, “ЕС нагадаў аб альтэрнатыўным шляху: у 2021 годзе [кіраўнік ЕК Урсула] фон дэр Ляен абвясціла аб усёабдымным плане на суму да 3 млрд еўраў для падтрымкі дэмакратычнай будучыні Беларусі. Як толькі краіна пачне мірны дэмакратычны пераход, ЕС будзе гатовы актываваць план і з самага пачатку аказаць беспрэцэдэнтную падтрымку“.

Аб праведзенай 8 кастрычніка ў Брусэлі сустрэчы прадстаўнікоў беларускіх дэмакратычных сіл і“ еўрапейскіх інстытутаў ” паведаміла ў той жа дзень прэс-служба дэмлідара Святланы Ціханоўскай, днём пазней — Аб’яднаны пераходны кабінет.

Сустрэча была арганізавана Еўрапейскай камісіяй і еўрапейскай службай знешніх дзеянняў. Мэтай мерапрыемства было названа“абмеркаванне прыярытэтаў падтрымкі Беларусі”.

Грамадства Палітыка

Грамадства, Палітыка

Ціханоўская: Наўрад ці атрымаецца аднавіць аб'ём дапамогі, страчаны з-за новай палітыкі ЗША

10 кастрычніка, Позірк. Пасля спынення ЗША фінансавання грамадзянскіх ініцыятыў за мяжой утварыўся "вельмі вялікі прабел" у фінансаванні беларускіх структур, і "цяпер <…> еўрапейскія саюзнікі шукаюць магчымасць яго запоўніць", заявіла беларускі дэмакратычны лідар Святлана Ціханоўская ў інтэрв'ю Deutsche Welle, апублікаваным 9 …

Чытаць