У Барысаўскім раёне ў выніку сутыкнення з грузавіком загінуў кіроўца легкавога аўтамабіля

19 лістапада, Позірк. 54-гадовы кіроўца легкавога аўтамабіля загінуў у выніку аварыі ў Барысаўскім раёне, паведамляе Дзяржаўтаінспекцыя Мінскай вобласці.

ДТЗ адбылося 19 лістапада. Адзначаецца, што каля 10:20 “на 22-м км аўтадарогі Р-67 “Барысаў — Беразіно — Бабруйск” 37-гадовы жыхар Магілёўскай вобласці, кіруючы аўтамабілем “ГАЗ” у счэпцы з прычэпам, паводле папярэдняй інфармацыі, на закругленні дарогі направа дапусціў занос прычэпа, не справіўся з кіраваннем, выехаў на паласу сустрэчнага руху, дзе здзейсніў сутыкненне з аўтамабілем “Аўдзі A4″ пад кіраваннем 54-гадовага мясцовага жыхара”.

“Кіроўца аўтамабіля “Аўдзі” ад атрыманых цялесных пашкоджанняў загінуў на месцы ДТЗ, кіроўца аўтамабіля “ГАЗ” дастаўлены ў бальніцу”, — гаворыцца ў паведамленні.