Ціханоўская абмеркавала свой візіт у Кіеў са спікерам Вярхоўнай рады Стэфанчуком
20 лютага, Позірк. Пра сустрэчу Святланы Ціханоўскай са спікерам Вярхоўнай рады Украіны Русланам Стэфанчуком паведаміў у сацсетцы Х дарадца дэмлідара па дыпламатычных пытаннях Дзяніс Кучынскі.
Сустрэча прайшла ў Вене на палях Парламенцкай асамблеі АБСЕ.
Паводле слоў Кучынскага, палітыкі абмеркавалі маючы адбыцца візіт Ціханоўскай у Кіеў, а таксама супрацоўніцтва дэмсіл з украінскім парламентам.
25 студзеня Зяленскі і Ціханоўская правялі першыя поўнафарматныя перамовы ў Вільнюсе, дзе ўдзельнічалі ў мерапрыемствах у памяць пра ўдзельнікаў паўстання 1863–64 гадоў супраць расійскага царызму.
Па выніках сустрэчы быў анансаваны візіт Ціханоўскай у Кіеў. Пра дату візіту не паведамлялася.
Украіна ўвяла санкцыі супраць Лукашэнкі (дапоўнена)
18 лютага, Позірк. Аб увядзенні Украінай санкцый супраць Аляксандра Лукашэнкі паведаміў прэзідэнт краіны Уладзімір Зяленскі ў сваім тэлеграм-канале. Зяленскі заявіў, што Украіна “актывізуе супрацьдзеянне ўсім формам садзейнічання” Лукашэнкі “забойствам украінцаў” і будзе “працаваць з партнёрамі так, каб гэта мела глабальны …
