Долар і юань падаражэлі на апошніх біржавых таргах тыдня

13 сакавіка, Позірк. Амерыканская і кітайская валюты падаражэлі на таргах Беларускай валютна-фондавай біржы 13 сакавіка 2026 года.

Курс долара вырас да 2,9332 рубля (+0,24%; +0,0071), юаня — да 4,3001 за 10 (+0,52%; +0,0224).

Каціроўка еўра знізілася да 3,3625 (-0,55%; 0,0187), расійскага рубля — да 3,6972 за 100 (-0,68%; -0,0253).

На адыходзячым працоўным тыдні (9–13 сакавіка) курс долара вырас на 0,25% (з 2,9259 да 2,9332), юаня — на 0,81% (з 4,2657 да 4,3001 за 10); расійскага рубля — знізіўся на 0,69% (з 3,723 да 3,6972 за 100), еўра — на 0,86% (з 3,3918 да 3,3625).

Беларусь стала лідарам на тэрыторыі былога СССР у патанненні долара ў 2026 годзе, сведчыць праведзены “Позіркам” параўнальны аналіз каціровак цэнтрабанкаў на 31 снежня 2025 года і 28 лютага 2026-га.

За два месяцы афіцыйны курс амерыканскай валюты знізіўся на 1,74% (з 2,9027 да 2,8523 рубля).